ശബരിമലസ്വർണക്കൊള്ളയിൽ റിമാൻഡിൽ കഴിഞ്ഞിരുന്ന മുരാരി ബാബുവിന് ജാമ്യം

• ദ്വാരപാലക കേസിലും കട്ടിളപ്പാളി കേസിലും ജാമ്യം ലഭിച്ചാണ് മുരാരി ജയിലിനു പുറത്തിറങ്ങുന്നത്.

കൊല്ലം :ശബരിമലസ്വർണക്കൊള്ളയിൽ റിമാൻഡിൽ കഴിഞ്ഞിരുന്ന മുരാരി ബാബുവിന് ജാമ്യം. ദേവസ്വം ബോർഡ് മുൻ അഡ്മിനിസ്ട്രേറ്റിവ് ഓഫിസറായിരുന്ന മുരാരി ബാബുവിന് കൊല്ലം വിജിലൻസ് കോടതിയാണ് ജാമ്യം അനുവദിച്ചത്. അറസ്‌റ്റിലായി 90 ദിവസം കഴിഞ്ഞിട്ടും എസ്ഐടി കുറ്റപത്രം സമർപ്പിക്കാത്തതിനാലാണ് വിജിലൻ കോടതി സ്വാഭാവിക ജാമ്യം നൽകി വിധിയായത്.ദ്വാരപാലക കേസിലും കട്ടിളപ്പാളി കേസിലും ജാമ്യം ലഭിച്ചാണ് മുരാരി ജയിലിനു പുറത്തിറങ്ങുന്നത്.

അതേസമയം എസ്ഐടി അറസ്‌റ്റു ചെയ്ത ശബരിമല തന്ത്രിയുടെ റിമാൻഡ് കാലാവധി വീണ്ടും നീട്ടി. 14 ദിവസം കൂടിയാണ് തന്ത്രിയുടെ റിമാൻഡ് കോടതി നീട്ടി നൽകിയത്. ഇതോടെ ശബരിമല സ്വർണക്കൊള്ളയിൽ ജാമ്യം ലഭിച്ച് പുറത്തിറങ്ങുന്ന ആദ്യ വ്യക്തിയായി മുരാരി ബാബു .