സംസ്ഥാനത്ത് പടർന്ന് പിടിച്ച് പകർച്ച പനിയും ഡെങ്കി പനിയും

• കഴിഞ്ഞ ദിവസം മാത്രം ചികിത്സ തേടിയത് 11,013 പേർ

തിരുവനന്തപുരം: സംസ്ഥാനത്ത് പടർന്ന് പിടിച്ച് പകർച്ച പനിയും ഡെങ്കിയും. ഇന്നലെ മാത്രം വിവിധ ജില്ലകളിലായി പനിക്ക് ചികിത്സ തേടിയത് 11,013 പേരാണ്. മലപ്പുറത്താണ് പനി ബാധിതർ കൂടുതൽ ഉള്ളത്, 2337 പേർ ചികിത്സ തേടി. പാലക്കാട് കോഴിക്കോടും ആയിരത്തിനു മുകളിൽ പ്രതിദിന പനിബാധിതരുണ്ട്.

കഴിഞ്ഞ ദിവസം ഡെങ്കിപ്പനി സ്ഥിരീകരിച്ചത് 49 പേർക്കാണ്. 110 പേരാണ് രോഗ ലക്ഷണവുമായി ചികിത്സ തേടിയത്. പാലക്കാട് 12, തിരുവനന്തപുരം 8, എറണാകുളം – മലപ്പുറം 6, കണ്ണൂർ പത്തനംതിട്ട 4, ചികിത്സ തേടിയവരിൽ ഉൾപ്പെടുന്നു. 23 പേർക്ക് എലിപ്പനിയും സ്ഥിരീകരിച്ചു.