അപ്രതീക്ഷിതമായുള്ള വിമാന റദ്ദാക്കൽ; പ്രതിഷേധിച്ച് യാത്രക്കാർ

• വിമാന റദ്ദാക്കലിൽ 173 യാത്രക്കാരാണ് വലഞ്ഞത്

നെടുമ്പാശ്ശേരി:കൊച്ചിയിൽ നിന്ന് ദുബൈയിലേക്ക് പുറപ്പെടേണ്ട സ്പൈസ്ജെറ്റ് വിമാനം സാങ്കേതിക തകരാറിനെ തുടർന്ന് റദ്ദാക്കി.തിങ്കളാഴ്‌ച രാത്രി 11.20 നാണ് വിമാനം പുറപ്പെടേണ്ടിയിരുന്നത്. എന്നാൽ ചൊവ്വാഴ്‌ച രാവിലെ ആയിട്ടും വിമാനം പുറപ്പെട്ടില്ല.

അപ്രതീക്ഷിതമായുള്ള വിമാന റദ്ദാക്കലിൽ 173 യാത്രക്കാരാണ് വലഞ്ഞത്. ഇന്നലെ രാവിലെ എട്ട് മണിക്ക് നെടുമ്പോശ്ശേരി അന്താരാഷ്ട്ര വിമാനത്താവളത്തിൽ നിന്ന് വിമാനം പുറപ്പെടുമെന്നാണ് ആദ്യം അറിയിച്ചിരുന്നത്. അതിനാൽ മറ്റ് വിമാനങ്ങളിൽ ടിക്കറ്റെടുക്കാതെ യാത്രക്കാർ കാത്തിരുന്നു. പിന്നീടാണ് വിമാനം ചൊവ്വാഴ്‌ച രാത്രി 8.30ന് മാത്രമെ പുറപ്പെടൂ എന്ന് യാത്രക്കാരെ അറിയിച്ചത്. ഇതോടെ യാത്രക്കാരെ ചൊവ്വാഴ്‌ച രാവിലെ ഹോട്ടലുകളിലേക്ക് മാറ്റുകയായിരുന്നു. സാങ്കേതിക തകരാർ പരിഹരിച്ച് ഇന്നലെ രാത്രി വൈകിയാണ് വിമാനം ദുബൈയിലേക്ക് പുറപ്പെട്ടത്.