അബ്ദുറഹീമിന്റെ മോചനം;കേസ് വീണ്ടും മാറ്റിവെച്ചു

• കേസ് ഈ മാസം 18 ലേയ്ക്കാണ് മാറ്റിവെച്ചത്

സൗദി:സൗദി ജയിലിൽ കഴിയുന്ന അബ്ദു‌റഹീമിൻ്റെ കേസ് റിയാദിലെ കോടതി വീണ്ടും മാറ്റിവെച്ചു.കേസ് ഈ മാസം 18 ലേയ്ക്കാണ് മാറ്റിവെച്ചത് . ഇത് ഒമ്പതാം തവണയാണ് ജയിൽ മോചനവുമായി ബന്ധപ്പെട്ട കേസ് മാറ്റി വെയ്ക്കുന്നത്.അബ്‌ദുറഹീം 18 വർഷമായി സൗദി ജയിലിൽ കഴിയുകയാണ്. കഴിഞ്ഞ 8 തവണയും കേസ് നീട്ടിവെച്ചപ്പോൾ, ഇത്തവണ മോചനം ലഭിക്കുമെന്നാണ് കരുതിയിരുന്നത്.

2006-ൽ ജയിലിലായ അബ്ദുറഹീമിൻ്റെ വധശിക്ഷ കഴിഞ്ഞ വർഷം ജൂലൈ രണ്ടിനാണ് കോടതി റദ്ദാക്കിയത്. മലയാളികൾ സ്വരൂപിച്ച് നൽകിയ 15 മില്യൺ റിയാൽ മോചന ദ്രവ്യമായി സൗദി ബാലൻ കുടുംബത്തിന് കൈമാറിയ ശേഷമാണ് വധശിക്ഷ റദ്ദാക്കിയത്.