‘ആടുജീവിതം’ പരസ്യത്തിലും ഹിറ്റ്
- മിൽമ മുതൽ കേരള പൊലീസുവരെ ആടുജീവിതം ട്രെന്റിന്റെ ഭാഗമായിട്ടുണ്ട്
ബ്ലെസി-പൃഥ്വിരാജ് ചിത്രമായ ആടുജീവിതം നിറഞ്ഞ കയ്യടികളോടെ പ്രദർശനം തുടരുകയാണ്. മികച്ച പ്രതികരണവുമാണ് സിനിമക്ക് ഉള്ളത്. അതേ സമയം ആടുജീവിതത്തിൻ്റെ ചുവടുപിടിച്ച് പരസ്യങ്ങളും എത്തിയിരിക്കുകയാണ് അതും വലിയ ഹിറ്റായി മാറിയിരിക്കുന്നു. മിൽമ മുതൽ കേരള പൊലീസുവരെ ആടുജീവിതം ട്രെന്റിന്റെ ഭാഗമായിട്ടുണ്ട്. ബെന്യാമിനാണ് ഫേസ്ബുക്ക് പേജിലൂടെ പരസ്യങ്ങൾ പങ്കുവെച്ചിരിക്കുന്നത്.
ആടുജീവിതം പോസ്റ്ററിൽ നജീബ് ഒറ്റക്ക് നടക്കുന്ന ചിത്രമാണ് കേരള പൊലീസിന്റെ പരസ്യത്തിലുള്ളത്. നിങ്ങൾ എവിടെയെങ്കിലും ഒറ്റപ്പെട്ടു പോയാൽ വിളിക്കാം എന്നാണ് പരസ്യ വാചകം. ‘ചൂടുജീവിതം, survive with milma, the hotlife’ ക്യാപ്ഷനോടെയാണ് മിൽമയുടെ പരസ്യം.
ബർഗർ ലോഞ്ചിന്റെ പരസ്യം ‘ബർഗർജീവിതം, every bite is a blast, the buger life’ എന്നാണ്. മരുഭൂമിയിൽ സഞ്ചരിക്കുന്ന കാറിനൊപ്പം ‘കാർജീവിതം, the car life’ എന്നാണ് കാർ വാഷ് സെൻറിന്ടെ ക്യാപ്ഷൻ.
