ഇന്ന് അമാവാസി ദിവസം പുഴയിലെ വെള്ളം കുറയും ; തിരച്ചിലിന് തയാറെന്ന് മൽപെ
- 3 മണിക്കൂറോളം പുഴയിൽ വെള്ളം കുറയുമെന്നാണു കരുതുന്നത്
ഷിരൂർ:ഷിരൂരിൽ മണ്ണിടിച്ചിലിനെതുടർന്ന് കാണാതായ കോഴിക്കോട് കണ്ണാടിക്കൽ സ്വദേശി അർജുനെ കണ്ടെത്താൻ ഗംഗാവലിപ്പുഴയിൽ തിരച്ചിൽ ആരംഭിക്കും. തൃശ്ശൂർ കാർഷിക സർവകലാശാലയുടെ ഡ്രജർ എത്തിക്കേണ്ടെന്നാണ് തീരുമാനം.
പുഴയിലെ ചെളിയും ഒഴുക്കും കാരണം യന്ത്രം പ്രവർത്തിപ്പിക്കാനാകില്ലെന്നാണ് സ്ഥലം സന്ദർശിച്ച സമിതി തൃശൂർ ജില്ലാ ഭരണകൂടത്തിനു നൽകിയ റിപ്പോർട്ട്. കൂടാതെ ദേശീയപാതയിൽ ഷിരൂരിലൂടെ ഗതാഗതം വീണ്ടും ആരംഭിച്ചു.
ഇന്ന് അമാവാസി ദിവസത്തിൽ വേലിയിറക്കത്തിൽ പുഴയിലെ വെള്ളം കുറയുമെന്നും ഇറങ്ങാൻ തയ്യാറാണെന്നും പ്രാദേശിക മത്സ്യത്തൊഴിലാളി ഈശ്വർ മൽപെ അറിയിച്ചിട്ടുണ്ടെന്നു അർജുന്റെ സഹോദരീ ഭർത്താവ് ജിതിൻ പറഞ്ഞു.അർജുന്റെ ബന്ധുക്കൾ ഇന്നു രാവിലെ ഷിരൂരിലെത്തും. 3 മണിക്കൂറോളം പുഴയിൽ വെള്ളം കുറയുമെന്നാണു കരുതുന്നത്
CATEGORIES News
