ഇന്ന് സ്വർണവില വീണ്ടും വർധിച്ചു

• പവന് 520 രൂപ കൂടി ഒരു പവൻ സ്വർണത്തിന് ഇന്ന് 58,880 രൂപയിലെത്തി

തിരുവനന്തപുരം:ഇന്ന് സ്വർണവില വീണ്ടും കൂടി. പവന് 520 രൂപ കൂടി ഒരു പവൻ സ്വർണത്തിന് ഇന്ന് 58,880 രൂപയിലെത്തി. 65 രൂപയാണ് ഗ്രാമിന് കൂടിയത്. ഒരു ഗ്രാം സ്വർണത്തിൻ്റെ ഇന്നത്തെ വില 7360 രൂപയായി. ഒക്ടോബർ 10ന് രേഖപ്പെടുത്തിയ 56,200 രൂപയാണ് ഈ മാസത്തെ ഏറ്റവും കുറഞ്ഞ സ്വർണ നിരക്ക്.

ഈ മാസത്തിൻ്റെ തുടക്കത്തിൽ ഒരു പവൻ സ്വർണത്തിൻ്റെ വില 56,400 രൂപയായിരുന്നു . ഒക്ടോബർ 4,5, 6, 12,13, 14 തീയതികളിൽ 56,960 രൂപയായിരുന്നു സ്വർണവില. പിന്നീട് ഒക്ടോബർ 16 നാണ് വില 57000 കടന്നത്. ഒക്ടോബർ 19 ന് ഇത് 58000വും കടന്നു. അതിന് ശേഷം 58000ത്തിന് താഴോട്ട് പോയിട്ടില്ല.