കഞ്ചാവ് ബീഡി കത്തിക്കാൻ എക്സൈസ് ഓഫീസിലെത്തി ; പ്രായപൂർത്തിയാവാത്ത വിദ്യാത്ഥികൾ പിടിയിൽ

• കുട്ടികൾ കയറിച്ചെന്നത് ഇടുക്കി അടിമാലി എക്സൈസ് എൻഫോഴ്സസ്മെൻ്റ് ഓഫീസിൽ

പാലക്കാട്: എക്സൈസ് ഓഫീസിൽ കയറി കഞ്ചാവ് ബീഡി കത്തിക്കാൻ തീ ചോദിച്ച പ്രായപൂർത്തിയാവാത്ത വിദ്യാത്ഥികൾ കഞ്ചാവ് സഹിതം എക്സൈസ് പിടിയിൽ. കുട്ടികൾ കയറിച്ചെന്നത് ഇടുക്കി അടിമാലി എക്സൈസ് എൻഫോഴ്സസ്മെൻ്റ് ഓഫീസിലാണ്.

തൃശ്ശൂരിൽ നിന്ന് മൂന്നാറിലേക്ക് വിനോദയാത്ര വന്ന സംഘത്തിലെ കുട്ടികൾക്കെതിരെയാണ് കേസെടുത്തത്. രണ്ടുപേർക്കെതിരെ കേസെടുത്ത് അധ്യാപകർക്കൊപ്പം വിട്ടയച്ചു. ഇവരിൽ നിന്ന് 5 ഗ്രാം കഞ്ചാവും ഒരു ഗ്രാം ഹാഷിഷ് ഓയിലും കണ്ടെടുത്തു. കേസിൻ്റെ വിശദാംശങ്ങൾ ജുവനൈൽ ജസ്റ്റിസ് ബോർഡിന് കൈമാറും. കുട്ടികൾ എക്സൈസ് ഓഫീസിൽ കയറിയത് വർക്ക് ഷോപ്പെന്ന് തെറ്റിദ്ധരിച്ചാണ്. കുട്ടികൾക്ക് കൗൺസിലിംഗ് നൽകിയെന്നും എക്സൈസ് ഉദ്യോഗസ്ഥർ അറിയിച്ചു.