കനത്ത ചൂട്; കേരളത്തിൽ മുണ്ടിനീര് വ്യാപിക്കുന്നതായി റിപ്പോർട്ട്

• 2,712 പേർക്ക് ഈ മാസം മുണ്ടിനീര് ബാധിച്ചു

തിരുവനന്തപുരം :കേരളത്തിൽ വേനൽ ചൂട് കനക്കുന്ന സാഹചര്യത്തിൽ മുണ്ടിനീര് വ്യാപിക്കുന്നതായി റിപ്പോർട്ടുകൾ. കേരളത്തിൽ ഒന്നര മാസത്തിനിടെ 9,763 പേർക്കാണ് മുണ്ടിനീര് സ്ഥിരീകരിച്ചത്. ഈ മാസം 2,712 പേർക്ക് മുണ്ടിനീര് ബാധിച്ചതായും കണക്കുകൾ പറയുന്നു.പകരുന്നതിനുള്ള സാധ്യത കൂടുതലായതിനാൽ ജാഗ്രത പുലർത്തണമെന്നാണ് ആരോഗ്യ രംഗത്തിന്റെ നിർദേശം.

അതേ സമയം കേരളത്തിലെ ചൂട് കാലാവസ്ഥയിൽ വലിയ മാറ്റമുണ്ടാക്കാൻ സാധ്യതയില്ലെന്നാണ് കേന്ദ്ര കാലാവസ്ഥാ നിരീക്ഷണ വകുപ്പിന്റെ നിരീക്ഷണം.
ഈ മാസം 21 വരെ തൽസ്ഥിതി തുടരും. കഴിഞ്ഞ ദിവസം സംസ്ഥാനത്തെ ഏറ്റവും കൂടിയ താപനിലയായ 36.5 ഡിഗ്രി സെൽഷ്യസ് വെള്ളാനിക്കരയിലാണ് രേഖപ്പെടുത്തിയത്. ചൂട് ഉയരുന്നതിനാൽ സൂര്യാഘാതം, സൂര്യാതാപം, നിർജലീകരണം, തീപിടുത്തം, കാട്ടുതീ എന്നിവയ്ക്കുള്ള സാധ്യത കൂടുതലാണെന്ന് മുന്നറിയിപ്പുണ്ട്.