കലാമണ്ഡലത്തിലെ ആദ്യത്തെ മലയാളി ഭരതനാട്യം അധ്യാപകനായി ആർ.എൽ.വി. രാമകൃഷ്ണൻ

• വളരെയധികം അഭിമാനവും സന്തോഷവുമുണ്ടെന്ന് ആർ.എൽ.വി. രാമകൃഷ്ണൻ

തൃശ്ശൂർ: കലാമണ്ഡലത്തിൽ ആദ്യത്തെ മലയാളി ഭരതനാട്യ അധ്യാപകനായി ചുമതലയേറ്റ്‌ ആർ.എൽ.വി. രാമകൃഷ്ണൻ. ഭരതനാട്യം വിഭാഗം അസി. പ്രൊഫസറായി ഇന്ന് അദ്ദേഹം ജോലിയിൽ പ്രവേശിച്ചു.”വളരെയധികം അഭിമാനവും സന്തോഷവുമുണ്ടെന്ന് അദ്ദേഹം oമാധ്യമങ്ങളോട് പ്രതികരിച്ചു.കലാമണ്ഡലത്തിന്റെ തുടക്കത്തിൽ ചെന്നൈയിൽനിന്നുള്ള എ.ആർ.ആർ. ഭാസ്കർ, രാജരത്നം മാസ്റ്റർ എന്നിവരായിരുന്നു നൃത്താധ്യാപകരായി ഉണ്ടായിരുന്നത്. അവർക്കുശേഷം നൃത്തവിഭാഗത്തിൽ അധ്യാപകനായി ജോലി ലഭിക്കുക എന്നുള്ളത് ഭാഗ്യകരമായായ കാര്യമായാണ് കരുതുന്നത് എന്നും ” ആർ.എൽ.വി. രാമകൃഷ്ണൻ പറഞ്ഞു.

1996-മുതൽ തൃപ്പൂണിത്തുറ ആർ.എൽ.വി കോളേജിൽ മോഹിനിയാട്ട കളരിയിൽ പഠിച്ച ഇദ്ദേഹം നാല് വർഷത്തെ ഡിപ്ലോമയും പോസ്റ്റ് ഡിപ്ലോമയും കരസ്ഥമാക്കിയിട്ടുണ്ട്. എം.ജി. യൂണിവേഴ്സിറ്റിയിൽനിന്ന് എംഎ മോഹിനിയാട്ടം ഒന്നാം റാങ്കോടെ പാസ്സായി. കേരള കലാമണ്ഡലത്തിൽ നിന്ന് പെർഫോമിങ്ങ് ആർട്സിൽ എംഫിൽ ടോപ്പ് സ്കോറർ ആയിരുന്നു. കലാമണ്ഡലത്തിൽ നിന്നുതന്നെയാണ് പി.എച്ച്.ഡി. പൂർത്തിയാക്കിയത്. നെറ്റ് യോഗ്യതയും നേടിയിട്ടുണ്ട്