കിടക്കമുറിയിലെ ദൃശ്യങ്ങൾ പകർത്തി; മറുനാടൻ തൊഴിലാളി അറസ്റ്റിൽ

• ജാർഖണ്ഡ് സ്വദേശിയായ പ്രദീപ് മണ്ഡലിനെ ആണ് അറസ്റ്റുചെയ്തത്

തിരുവനന്തപുരം: കിടക്കമുറിയിലെ ദൃശ്യങ്ങൾ മൊബൈൽ ഫോണുപയോഗിച്ച് പകർത്തിയ മറുനാടൻ തൊഴിലാളിയെ വിഴിഞ്ഞം പോലീസ് അറസ്റ്റുചെയ്തു. ജാർഖണ്ഡ് സ്വദേശിയായ പ്രദീപ് മണ്ഡലിനെ ആണ് അറസ്റ്റുചെയ്തത്. പയറുംമുട് സ്വദേശിനിയാണ് ഇതു സംബന്ധിച്ച് വിഴിഞ്ഞം പോലീസിന് പരാതി നൽകിയത്. കഴിഞ്ഞ ദിവസം രാത്രിയായിരുന്നു സംഭവം.

വീടിന്റെ ടെറസിലൂടെ കയറിയ ഇയാൾ കിടക്കമുറിയിലെ എയർഹോൾ വഴി മൊബൈൽ ഫോൺ കടത്തിയാണ് ദൃശ്യങ്ങൾ പകർത്തിയതെന്ന് വിഴിഞ്ഞം പോലീസ് പറഞ്ഞു. സംഭവം കണ്ട അയൽവീട്ടുകാർ ബഹളം വെച്ചതിനെ തുടർന്ന് ഇയാൾ ഓടിരക്ഷപ്പെട്ടു. തുടർന്ന് വിഴിഞ്ഞം പോലീസെത്തി നടത്തിയ തിരിച്ചലിലാണ് ഇയാളെ അറസ്റ്റുചെയ്തത്. കോടതിയിൽ ഹാജരാക്കിയ പ്രതിയെ റിമാൻഡു ചെയ്തു.