കുപ്രസിദ്ധ ഷൂട്ടർ ഗോവിന്ദ് പോലീസ് പിടിയിലായി
- ഓട്ടോമാറ്റിക് പിസ്റ്റളും വെടിയുണ്ടകളും കണ്ടെടുത്തു
മുസഫർപൂർ:വാഹന പരിശോധനയ്ക്കിടെ ശംഭു-മണ്ടു സംഘത്തിലെ കുപ്രസിദ്ധ ഷൂട്ടർ ഗോവിന്ദ് പോലീസ് പിടിയിൽ. ഇയാളുടെ കൂട്ടാളികളിൽ ഒരാളും അറസ്റ്റിൽ ആയിട്ടുണ്ട്.കുപ്രസിദ്ധ ഷൂട്ടറിൽനിന്ന് ചെക്കോസ്ലോവാക്യൻ ഓട്ടോമാറ്റിക് പിസ്റ്റൾ, ഡസൻ കണക്കിന് വെടിയുണ്ടകൾ, ഒരു കാർ എന്നിവ പിടിച്ചെടുത്തിട്ടുണ്ട്.
മുസാഫർപൂരിലെ വിവിധ പോലീസ് സ്റ്റേഷനുകളിൽ ഗോവിന്ദ് ചൗധരിക്കെതിരെ ഗുരുതരമായ നിരവധി കേസുകൾ രജിസ്റ്റർ ചെയ്തിട്ടുണ്ട്. മുസാഫർപൂർ മേയർ സമീറിന്റെ കൊലപാതകത്തിലും ഇയാൾ പ്രധാന പ്രതിയാണ്. അതിനു തൊട്ടുപിന്നാലെ, കഴിഞ്ഞ വർഷം ഭൂവ്യാപാരിയായ അശുതോഷ് ഷാഹിയെ കൊലപ്പെടുത്തിയ കേസിലും ഇയാൾ പ്രതിയായിരുന്നു, തുടർന്ന് ഇയാളെ അറസ്റ്റ് ചെയ്ത്‌ ജയിലിൽ അടച്ചിരുന്നു. അടുത്തിടെയാണ് ജയിലിൽ നിന്ന് ജാമ്യത്തിൽ ഇറങ്ങിയത്. പോലീസ് തിരച്ചിൽ നടത്തിയപ്പോൾ ഓട്ടോമാറ്റിക് പിസ്റ്റളും ഡസൻ കണക്കിന് വെടിയുണ്ടകളും കണ്ടെടുത്തു
