കുറിപ്പടിയിലെ മരുന്നിനു പകരം അമിതഡോസുള്ള മരുന്ന് നൽകി; എട്ട് മാസം പ്രായമുള്ള കുഞ്ഞ് ഗുരുതരാവസ്ഥയിൽ

• കരളിൻ്റെ പ്രവർത്തനത്തെ ബാധിച്ചെന്ന് ഡോക്‌ടർമാർ

കണ്ണൂർ:ഡോക്ടർ നിർദേശിച്ച കുറിപ്പടിയിലെ മരുന്നിനു പകരം അമിതഡോസുള്ള മരുന്ന് മെഡിക്കൽ ഷോപ്പിൽ നിന്ന് മാറി നൽകിയെന്ന് ആക്ഷേപം. എട്ട് മാസം പ്രായമുള്ള കുഞ്ഞ് ഗുരുതരാവസ്ഥയിലാണ്. കണ്ണൂർ പഴയങ്ങാടിയിലാണ് സംഭവം നടന്നത് .

ഡോക്ർ നിർദേശിച്ച മരുന്നിനു പകരം മെഡിക്കൽ ഷോപ്പിൽ നിന്നും അമിത ഡോസുള്ള മറ്റൊന്ന് നൽകിയെന്നാണ് പരാതി. പഴയങ്ങാടി സ്വദേശി സമീറിന്റെ ആൺകുഞ്ഞ് ആശുപത്രിയിൽ ചികിത്സയിലാണ്. കുഞ്ഞിൻ്റെ കരളിന്റെ പ്രവർത്തനത്തെ ബാധിച്ചെന്ന് ഡോക്ടർമാർ പറഞ്ഞു. പഴയങ്ങാടി ഖദീജ മെഡിക്കൽസിനെതിരെ പൊലീസ് കേസ് രജിസ്റ്റർ ചെയ്തു.