കുസാറ്റ് ദുരന്തം ; കുറ്റപത്രം സമർപ്പിച്ച് അന്വേഷണ സംഘം

• പ്രതികൾക്കെതിരെ മനപൂർവമല്ലാത്ത നരഹത്യ ചുമത്തിയിരിക്കുന്നത്

കൊച്ചി: കുസാറ്റ് ദുരന്തത്തിൽ കുറ്റപത്രം സമർപ്പിച്ച് അന്വേഷണ സംഘം. കുറ്റപത്രത്തിൽ മുൻ പ്രിൻസിപ്പൽ ദീപക് കുമാർ സാഹു ഉൾപ്പെടെയുള്ള മൂന്ന് പ്രതികളാണുള്ളത്. അധ്യാപകരായ ഗിരീഷ് കുമാർ തമ്പി, എൻ ബിജു എന്നിവരാണ് മറ്റ് പ്രതികൾ.

പ്രതികൾക്കെതിരെ ചുമത്തിയിരിക്കുന്നത് മനപൂർവമല്ലാത്ത നരഹത്യയാണ്. മുൻ രജിസ്ട്രാറെ പ്രതി ചേർക്കേണ്ട സാഹചര്യമില്ലെന്ന് അന്വേഷണ സംഘം വ്യക്തമാക്കി. കുറ്റപത്രം സമർപ്പിച്ചത് തൃക്കാക്കര എസിപിയുടെ നേതൃത്വത്തിലുള്ള സംഘമാണ്. ദുരന്തം നടന്ന് ഒരു വർഷവും രണ്ട് മാസവും പിന്നിടുമ്പോഴാണ് കുറ്റപത്രം സമർപ്പിച്ചിരിക്കുന്നത്.