കേരളത്തിലേക്ക് കൊറിയർ വഴി കഞ്ചാവ് കടത്ത്; മുഖ്യപ്രതി പിടിയിൽ

• ‘കൊറിയർ ദാദ’ എന്നറിയപ്പെടുന്ന മുംബൈ സ്വദേശി യോഗേഷ് ഗണപത് റാങ്കഡെയാണ് തൃശൂർ പോലീസിന്റെ പിടിയിലായത്

തൃശൂർ:കേരളത്തിലേക്ക് കൊറിയർ വഴി കഞ്ചാവ് കടത്തിയ സംഘത്തിലെ മുഖ്യപ്രതി പിടിയിൽ. ‘കൊറിയർ ദാദ’ എന്നറിയപ്പെടുന്ന മുംബൈ സ്വദേശി യോഗേഷ് ഗണപത് റാങ്കഡെയാണ് തൃശൂർ പോലീസിന്റെ പിടിയിലായത്.

തൃശൂരിലെ കൊപ്പാലയിലെ കൊറിയർ സ്ഥാപനത്തിൽ നിന്നും പാർസലിൽ ഒളിപ്പിച്ചു കടത്താൻ ശ്രമിച്ച നാലരക്കിലോ കഞ്ചാവ് പോലീസ് പിടികൂടിയിരുന്നു. തുടർന്ന് നടത്തിയ അന്വേഷണത്തിൽ ജിഷ്‌ണു എന്നയാളെ പോലീസ് പിടികൂടിയിരുന്നു. പിടിയിലായ ജിഷ്‌ണുവിനെ ചോദ്യം ചെയ്തതിനെ തുടർന്നാണ് കൊറിയർ സ്ഥാപനത്തിലേക്ക് കഞ്ചാവ് അയക്കുന്ന മുംബൈ കേന്ദ്രങ്ങളെ കുറിച്ച് പോലിസിന് വിവരം ലഭിച്ചത്. തുടർന്ന് നടത്തിയ അന്വേഷണത്തിലാണ് മുംബൈയിൽ വച്ച് യോഗേഷ് ഗണപത് റാങ്കഡെ പിടിയിലാകുന്നത്. രാജ്യത്തിൻ്റെ വിവിധ ഭാഗങ്ങളിലേയ്ക്ക് ഇത്തരത്തിൽ കഞ്ചാവും ലഹരിവസ്തുക്കളും കൊറിയർ വഴി അയക്കുന്ന വലിയ സംഘമാണ് ഇതെന്നും പോലീസ് പറഞ്ഞു