കേരളത്തിൽ ബീഹാർ മോഡൽ യാത്ര നടത്താൻ ഒരുങ്ങി രാഹുൽ ഗാന്ധി

• 2026 ജനുവരിയിലോ, ഫെബ്രുവരിയിലോ യാത്ര നടത്താനാണ് ആലോചന

തിരുവനന്തപുരം : കേരളത്തിൽ ബിഹാർ മോഡൽ യാത്ര നടത്താൻ ലോക്സ‌ഭ പ്രതിപക്ഷ നേതാവ് രാഹുൽ ഗാന്ധി. 2026 ജനുവരിയിലോ, ഫെബ്രുവരിയിലോ യാത്ര നടത്താനാണ് ആലോചന. എഐസിസിയും കെപിസിസിയും മുന്നൊരുക്കങ്ങൾ തുടങ്ങി.

തിരഞ്ഞെടുപ്പ് മുന്നൊരുക്കങ്ങളുടെ ഭാഗമായി കേരളത്തിൻ്റെ ചുമതലയുള്ള എഐസിസി ജനറൽ സെക്രട്ടറി ദീപാദാസ് മുൻഷി തിരുവനന്തപുരത്തും കൊച്ചിയിലും വീട് വാടകയ്ക്കെടുത്തു. വരും ദിവസങ്ങളിൽ സംസ്ഥാനത്ത് ക്യാംപ് ചെയ്ത് പ്രവർത്തിക്കുന്നതിൻ്റെ ഭാഗമായാണ് തീരുമാനം.