കൊൽക്കത്തയിലെ യുവഡോക്ടറുടെ കൊലപാതകം ; കേരളത്തിലും ഇന്ന് ഡോക്‌ടർമാരുടെ സമരം
- പിജി ഡോക്ടർമാരും സീനിയർ റസിഡന്റ് ഡോക്ടർമാരും ഒപിയും വാർഡ് ഡ്യൂട്ടിയും ബഹിഷ്‌കരിക്കും
തിരുവനന്തപുരം: കൊൽക്കത്തയിലെ യുവഡോക്ടറുടെ കൊലപാതകത്തിൽ പ്രതിഷേധിച്ച് കേരളത്തിലും ഡോക്ടർമാർ സമരത്തിന്. പിജി ഡോക്ടർമാരും സീനിയർ റസിഡന്റ് ഡോക്ടർമാരും ഒപിയും വാർഡ് ഡ്യൂട്ടിയും ബഹിഷ്‌കരിക്കും. ദേശീയ തലത്തിൽ രൂപീകരിക്കപ്പെട്ട ജോയിന്റ് ആക്ഷൻ ഫോറത്തിന്റെ ഭാഗമായാണ് കേരളത്തിലും ഡോക്ടർമാർ പ്രതിഷേധിക്കുന്നത്.
സെൻട്രൽ പ്രൊട്ടക്ഷൻ ആക്‌ട് നടപ്പിലാക്കുക, ഡോക്ടറുടെ കൊലപാതകത്തിൽ കുറ്റവാളികളായവർക്ക് കർശന ശിക്ഷ ഉറപ്പുവരുത്തുക തുടങ്ങിയ ആവശ്യങ്ങളും ഡോക്ടർമാർ ഉന്നയിക്കുന്നു. ഈമാസം 18 മുതൽ 31 വരെ സംസ്ഥാനത്തെ ആരോഗ്യ കേന്ദ്രങ്ങളിൽ സുരക്ഷാ ഓഡിറ്റ് നടത്താനാണ് തീരുമാനം.
പിജി ഡോക്ടർമാർക്കൊപ്പം തിരുവനന്തപുരം ശ്രീ ചിത്ര ഇൻസ്റ്റിറ്റ്യൂട്ടിലെ ഡോക്ടർമാരും സമരത്തിന്റെ ഭാഗമാകും. ഇതോടെ സർക്കാർ ആശുപത്രുകളുടെ പ്രവർത്തനം ഭാഗീകമായെങ്കിലും പ്രതിസന്ധിയിലായേക്കും. കെജിഎംഒ ഇന്ന് സംസ്ഥാന വ്യാപകമായി പ്രതിഷേധ ദിനവും ആചരിക്കും.
AUTHOR
KFile Desk
