കോട്ടക്കുന്ന് മലയിലേക്ക് ജനകീയ മാർച്ച് സംഘടിപ്പിച്ച് ഇന്ത്യൻ നാഷണൽ കോൺഗ്രസ്

• ഖനനം അനുവദിക്കില്ലെന്ന് സമരസമിതി

പെരുവട്ടൂർ: ഖനനം നടക്കുന്ന ചാലോറ മല കോട്ടക്കുന്ന് മലയിലേക്ക് ജനകീയ മാർച്ച് സംഘടിപ്പിച്ച് ഇന്ത്യൻ നാഷണൽ കോൺഗ്രസ്. പരിസ്ഥിതി ആഘാത പഠനം നടത്താതെയും പ്രദേശവാസികളുടെ ആശങ്കകൾ പരിഹരിക്കാതെയും ചാലോറ ക്ഷേത്രത്തിന്റെ ആചാര അനുഷ്ഠാനങ്ങൾ ലംഘിക്കപ്പെടുകയും ചെയ്യുന്ന ഖനനം ഒരിക്കലും അനുവദിക്കില്ല എന്ന് സമരസമിതി ആവശ്യപ്പെട്ടു.
ജനകീയ സമരം പോലീസിനെ കൊണ്ട് അടിച്ചമർത്താൻ ശ്രമിച്ചാൽ രാഷ്ട്രീയപരമായും നിയമപരമായും ഇന്ത്യൻ നാഷണൽ കോൺഗ്രസ് സമരമുഖത്ത് ഉണ്ടാവുമെന്നും സമരക്കാർ പറഞ്ഞു. പെരുവട്ടൂരിൽ നിന്നും ആരംഭിച്ച പ്രതിഷേധ മാർച്ച് കോട്ടക്കുന്നിന്റെ താഴ് വരയിൽ കോഴിക്കോട് ജില്ലാ കോൺഗ്രസ് കമ്മിറ്റിയുടെ ജനറൽ സെക്രട്ടറി നിജേഷ് അരവിന്ദ് ഉദ്ഘാടനം ചെയ്തു.

ഷൈജു ചിത്രാലയം സ്വാഗതം പറഞ്ഞ യോഗത്തിന് രമേശ് ഗോപാൽ അധ്യക്ഷത വഹിച്ചു. കെപിസിസിയുടെ മുൻനിർവാഹക സമിതി അംഗവും ദളിത് കോൺഗ്രസിന്റെ സംസ്ഥാന വൈസ് പ്രസിഡണ്ടുമായ വി.ടി. സുരേന്ദ്രൻ, ഇന്ത്യൻ നാഷണൽ കോൺഗ്രസിന്റെ കൊയിലാണ്ടി ബ്ലോക്ക് വൈസ് പ്രസിഡണ്ട് നടേരി ഭാസ്കരൻ, ഇന്ത്യൻ നാഷണൽ കോൺഗ്രസ് കൊയിലാണ്ടി നോർത്ത് മണ്ഡലം പ്രസിഡണ്ട് രജീഷ്, വെങ്ങളത്ത് കണ്ടി പതിനാറാം വാർഡ് കൗൺസിലർ ജിഷ, പുതിയേടത്ത് യൂത്ത് കോൺഗ്രസ് കൊയിലാണ്ടി നിയോജകമണ്ഡലം പ്രസിഡണ്ട് തൻഹീർ കൊല്ലം, അഡ്വക്കറ്റ്‌ പി. ടി.ഉമേന്ദ്രൻ,വായനാരി സോമൻ മാസ്റ്റർ,ജനകീയ സമരസമിതിയുടെ കൺവീനർ അജൽ, എക്സിക്യൂട്ടീവ് മെമ്പറായ അഖിൽ, ഇന്ത്യൻ നാഷണൽ കോൺഗ്രസിന്റെ നോർത്ത് മണ്ഡലം എക്സിക്യൂട്ടീവ് മെമ്പർ ഭാസ്കരൻ കെ.കെ. എന്നിവർ അഭിവാദ്യമർപ്പിച്ച് സംസാരിച്ചു. ബൂത്ത് പ്രസിഡന്റ് കെ.വി. റീജ, വാർഡ് പ്രസിഡന്റ് ശ്രീജ സജീവൻ,സജീവൻ ചിത്രാലയം,ഗണേഷ് കുമാർ, സുധീഷ് വരുണ്ട,ശ്രീജു കുറ്റ്യാടിക്കുനി,ശാന്ത.വി ടി.,സജിത്ത്.പി. കെ, സാജിത,മനോജ് തോട്ടുമുഖത്ത്, സജീവൻ സൂര്യ,മിഥുൻ കൊല്ലറകണ്ടി, അർജുൻ.എ.ആർ, ബാലകൃഷ്ണൻ തുന്നാത്ത് കണ്ടി, ഷിനു തീരം, 9ാം വാർഡ് സിഡ്രണ്ട് രഞ്ജിത്ത് കോളറോത്ത്,ബൂത്ത് പ്രസിഡ്രണ്ട് ഉമേഷ് വിയ്യൂർ, വിനോദൻ കല്ലോട്ട് കുനി,പ്രിയദർശിനി സജീവൻ എന്നിവർ പ്രകടനത്തിന് നേതൃത്വം നൽകി. ജനകീയ സമരസമിതി പ്രവർത്തകരായ നന്ദു തുമ്പക്കണ്ടി,പ്രസാദ് കോളിക്കണ്ടി, പ്രസീദ് കോളിക്കണ്ടി, മിഥുൻ,ജിനീഷ് കോളിക്കണ്ടി, ശ്യം സാദ്,ശാന്ത പുത്തൻ പുരയിൽ, തങ്കം മണലിക്കണ്ടി എന്നിവർ പ്രകടനത്തെ അഭിവാദ്യം ചെയ്തു.