ക്രിസ്മസ് സ്പെഷ്യൽ കെഎസ്ആർടിസി സർവീസ്; ‘മിന്നൽ’ റെഡി

• തിരുവന്തപുരത്ത് നിന്ന് കാസർകോട്ടേക്ക് ‘മിന്നൽ’വേഗത്തിലെത്താം

കാസർഗോഡ് : ക്രിസ്മസ് ആഘോഷങ്ങൾക്കായി കെഎസ്ആർടിസി തിരുവനന്തപുരത്തുനിന്ന് കാസർകോട് വരെ പ്രത്യേക മിന്നൽ ബസ് സർവീസ് പ്രഖ്യാപിച്ചു . ഈ സർവീസ് ക്രിസ്മ‌സ് സീസണിലെ തിരക്ക് കുറയ്ക്കാൻ സഹായിക്കുമെന്നാണ് പ്രതീക്ഷിക്കുന്നത്. ഇന്ന് ഉച്ചയ്ക്ക് 2.45 ന് തിരുവനന്തപുരത്തുനിന്ന് പുറപ്പെടുന്ന ഈ മിന്നൽ ബസ് പിറ്റേന്ന്, ചൊവ്വാഴ്ച പുലർച്ചെ 1.41 ന് കാസർകോട് എത്തിച്ചേരും. 10 മണിക്കൂർ 56 മിനിറ്റാണ് യാത്രാ സമയം. തിരുവനന്തപുരം, കൊട്ടാരക്കര, കോട്ടയം, മൂവാറ്റുപുഴ, തൃശൂർ, കോഴിക്കോട്, കണ്ണൂർ, പയ്യന്നൂർ എന്നീ സ്ഥലങ്ങളിൽ സ്റ്റോപ്പുകൾ ഉണ്ട്.

ടിക്കറ്റിന്റെ നിരക്ക് 781 രൂപയാണ്.കൂടാതെ, കെഎസ്ആർടിസി കാസർകോട് – തിരുവനന്തപുരം റൂട്ടിൽ സ്ഥിരമായി സർവീസ് നടത്തുന്നുമുണ്ട്. കാസർകോട് നിന്ന് വൈകിട്ട് 5.45 ന് പുറപ്പെട്ട് പിറ്റേന്ന് രാവിലെ 06:20 ന് തിരുവനന്തപുരത്ത് എത്തും. മടക്കയാത്രയിൽ തിരുവനന്തപുരത്ത് നിന്ന് ഉച്ചകഴിഞ്ഞ് 1.15 ന് പുറപ്പെട്ട് പിറ്റേന്ന് പുലർച്ചെ 03.55 ന് കാസർകോട് എത്തിച്ചേരും.കുറഞ്ഞ സമയത്തിൽ തന്നെ ലക്ഷ്യസ്ഥാനത്ത് എത്താൻ ഈ സർവീസ് മിന്നൽ സഹായിക്കും. ഓൺലൈനായി ടിക്കറ്റ് ബുക്ക് ചെയ്യുന്നതിനായി onlineksrtcswift(dot)com വെബ്സൈറ്റ് സന്ദർശിക്കുക.