ചൂരൽമല ശാഖയിലെ വായ്പകൾ എഴുതിത്തള്ളി കേരള ബാങ്ക്
- കേരള ബാങ്ക് ഭരണസമിതി ചേർന്ന യോഗത്തിലാണ് പുതിയ തീരുമാനം
മേപ്പാടി: വയനാട് ഉരുൾപൊട്ടലിന്റെ പശ്ചാത്തലത്തിൽ ചൂരൽമല ശാഖയിലെ വായ്പകൾ എഴുതിത്തള്ളി കേരള ബാങ്ക്. കേരള ബാങ്ക് ഭരണസമിതി ചേർന്ന യോഗത്തിലാണ് പുതിയ തീരുമാനം.
ചൂരൽമല ശാഖയിലെ വായ്പക്കാരിൽ മരിച്ചവരുടേയും ഒപ്പം ഈട് നൽകിയ വീടും വസ്തുവകകളും നഷ്ടപ്പെട്ടവരുടെയും മുഴുവൻവായ്പകളും എഴുതിത്തള്ളളുന്നതിന് ബാങ്ക് ഭരണസമിതി തീരുമാനിച്ചു എന്നാണ് വിവരം.
50 ലക്ഷം രൂപ കേരള ബാങ്ക് മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകുകയും ചെയ്തു. കേരള ബാങ്കിലെ ജീവനക്കാർ 5 ജിവസത്തെ ശമ്പളം മുഖ്യമന്ത്രിയുടെ ദുരിതാശ്വാസനിധിയിലേക്ക് സംഭാവന ചെയ്യാനും തീരുമാനിച്ചിട്ടുണ്ട്.
CATEGORIES News
