ജുലാനയിൽ വിനേഷ് ഫോഗട്ടിനു വിജയം
- കർഷക രോഷവും ഗുസ്തി രോഷവും ബിജെപിക്ക് തിരിച്ചടിയായി
ഛത്തീസ്ഗഢ്: ഹരിയാണ നിയമസഭാ തിരഞ്ഞെടുപ്പിൽ ജുലാന മണ്ഡലത്തിൽ കോൺഗ്രസ് സ്ഥാനാർഥി വിനേഷ് ഫോഗട്ടിനു വിജയം . 6015 വോട്ടുകൾക്കാണ് ജയം. തുടക്കത്തിൽ മുന്നേറിയ വിനേഷ്, പിന്നീട് ബിജെപിയുടെ യോഗേഷ് കുമാറിന് പിറകിലായി. എന്നാൽ അവസാന റൗണ്ടുകളിൽ ലീഡ് നേടിയ വിനേഷ്, ഒടുവിൽ വിജയം കൈവരിക്കുകയായിരുന്നു. ബി.ജെ.പി സ്ഥാനാർഥിയായ യോഗേഷ് കുമാറാണ് രണ്ടാം സ്ഥാനത്ത്. എ.എ.പി.യുടെ കവിത റാണി അഞ്ചാംസ്ഥാനത്താണ്.
ഗുസ്തി താരമായ വിനേഷ് ഫോഗട്ട് പാരീസ് ഒളിമ്പിക്സിൽ ഫൈനലിലെത്തിയിരുന്നു. ഫൈനലിൽ നൂറുഗ്രാം ഭാരക്കൂടുതലിനെ തുടർന്ന് അയോഗ്യയാക്കപ്പെട്ട വിനേഷ് പിന്നീട് ഗുസ്തിയിൽ നിന്ന് നിന്ന് വിരമിച്ച് കോൺഗ്രസിൽ ചേർന്നു. വിനേഷിൻ്റെ സ്ഥാനാർഥിത്വത്തെ തുടർന്ന് രാജ്യം ഉറ്റുനോക്കുന്ന മണ്ഡലമാണ് ജുലാന. കർഷക രോഷവും ഗുസ്തി രോഷവും ബിജെപിക്ക് തിരിച്ചടിയായി.
