ഞാറ്റുവേല ചന്ത ജൂലായ് 4,5,6 തീയതികളിൽ

• ഗ്രാമപഞ്ചായത്ത് പ്രസിഡന്റ് സി.കെ ശ്രീകുമാർ ഉദ്ഘാടനം ചെയ്യും

മൂടാടി: മൂടാടി ഗ്രാമപഞ്ചായത്തിന്റെയും കൃഷി ഭവന്റെയും ആഭിമുഖ്യത്തിൽ ജൂലായ് 4,5,6 തീയതികളിൽ മൂടാടി കാർഷിക കർമ്മസേന ഓഫീസ് പരിസരത്ത് ഞാറ്റുവേല ചന്ത സംഘടിപ്പിക്കുന്നു.
ഗുണമേന്മയുള്ള നടീൽ വസ്തുക്കൾ കൃഷിക്ക് അനുയോജ്യമായ സമയത്ത് കർഷകർക്ക് ലഭ്യമാക്കുക എന്ന ലക്ഷ്യത്തോടെയാണ് ഞാറ്റുവേല ചന്ത നടക്കുന്നത്.
ഞാറ്റുവേല ചന്തയുടെ ഉദ്ഘാടനം 4ന് 10.30 ന് ഗ്രാമപഞ്ചായത്ത് പ്രസിഡന്റ് സി.കെ ശ്രീകുമാർ നിർവഹിക്കും. ചന്തയിൽ വിവിധ ഇനം തെങ്ങിൻ തൈകൾ, കവുങ്ങിൻ തൈകൾ, ഫല വൃക്ഷ തൈകൾ പച്ചക്കറി വിത്തുകൾ, ജൈവ ജീവാണു വളങ്ങൾ, അലങ്കാര ചെടികൾ, കാർഷിക ഉപകരണങ്ങൾ, കൂടാതെ കർഷകരുടെ ഉൽപ്പന്നങ്ങളും വിൽപ്പനക്കായി ഉണ്ടാകും.