തിരുവനന്തപുരം -കൊച്ചി എയർ ഇന്ത്യ എക്സ്പ്രസ് ; പുതിയ സർവീസ് നാളെ മുതൽ

• പുതിയ സർവിസ് യാത്രക്കാർക്ക് കൂടുതൽ സൗകര്യമാകും

തിരുവനന്തപുരം: തിരുവനന്തപുരത്ത് നിന്ന് കൊച്ചിയിലേക്ക് എയർ ഇന്ത്യ എക്സ്പ്രസിൻ്റെ പുതിയ സർവീസ് നാളെ മുതൽ തുടങ്ങും.
ചൊവ്വ, ശനി ദിവസങ്ങളിൽ രാവിലെ 7.15നു പുറപ്പെട്ട് 8:05നു കൊച്ചിയിലെത്തും. കൊച്ചിയിൽ നിന്ന് തിങ്കൾ, വെള്ളി ദിവസങ്ങളിൽ രാത്രി 11 മണിക്ക് പുറപ്പെട്ട് 11:50ന് തിരുവനന്തപുരത്തെത്തും.

തിരുവനന്തപുരം-കൊച്ചി റൂട്ടിൽ ഇൻഡിഗോയുടെ പ്രതിദിന സർവീസിന് പുറമേയാണ് എയർ ഇന്ത്യ എക്സ്പ്രസ് സർവീസ് തുടങ്ങുന്നത്. പുതിയ സർവിസ് വരുന്നത് യാത്രക്കാർക്ക് കൂടുതൽ സൗകര്യമാകും.