തിരുവനന്തപുരം വിമാനത്താവളത്തിൽ പോലീസും യാത്രക്കാരും തമ്മിൽ വാക്കേറ്റം

• മസ്കറ്റിലേക്കും ബഹ്റൈനിലേയ്ക്കും ഇന്ന് രാവിലെ പുറപ്പെടേണ്ടിയിരുന്ന എയർ ഇന്ത്യ എക്‌സ്പ്രസിൻ്റെ രണ്ട് വിമാനങ്ങൾ വൈകിയതിനെ തുടർന്ന് യാത്രക്കാർ പ്രതിഷേധിക്കുകയായിരുന്നു

തിരുവനന്തപുരം:തിരുവനന്തപുരം വിമാനത്താവളത്തിൽ പൊലീസും യാത്രക്കാരും തമ്മിൽ വാക്കേറ്റം. മസ്കറ്റിലേക്കും ബഹ്റൈനിലേയ്ക്കും ഇന്ന് രാവിലെ പുറപ്പെടേണ്ടിയിരുന്ന എയർ ഇന്ത്യ എക്‌സ്പ്രസിൻ്റെ രണ്ട് വിമാനങ്ങൾ വൈകിയതിനെ തുടർന്ന് യാത്രക്കാർ പ്രതിഷേധിക്കുകയായിരുന്നു. ഇതിന് പിന്നാലെയാണ് പൊലീസ് ഇടപെടൽ . ഇത് എയർപോർട്ടാണ് ഇവിടെ കിടന്ന് ബഹളം വയ്ക്കാനാവില്ലെന്ന് പൊലീസ് യാത്രക്കാരെ താക്കീത് ചെയ്യുകയായിരുന്നു.

വൈകുന്നേരം ആറ് മണിയോടെ മാത്രമേ വിമാനങ്ങൾ പുറപ്പെടുകയുള്ളുവെന്നാണ് അധികൃതർ പറയുന്നത്. യാത്രക്കാരുടെ ആവശ്യം ഭക്ഷണവും താമസ സൗകര്യവും ഒരുക്കണമെന്നാണ്. വിമാനം വൈകിയ സാഹചര്യത്തിൽ അധികൃതർ ബദൽ സംവിധാനം ഏർപ്പെടുത്തിയില്ലെന്നാണ് യാത്രക്കാരുടെ പരാതി.