തുടരും സിനിമയുടെ വ്യാജ പതിപ്പ് പുറത്ത് ; നിയമ നടപടിയെന്ന് നിർമാതാവ്

• മലപ്പുറത്ത് നിന്ന് വാഗമണിലേയ്ക്ക് ടൂർ പോയ ബസിലാണ് സിനിമ പ്രദർശിപ്പിച്ചതെന്നാണ് വിവരം

കൊച്ചി: ‘തുടരും’ സിനിമയുടെ വ്യാജ പതിപ്പ് പുറത്ത്. സിനിമ ടൂറിസ്റ്റ് ബസിലാണ് പ്രദർശിപ്പിച്ചത്. നടൻ ബിനു പപ്പുവിന് വിദ്യാർത്ഥിയാണ് പ്രദർശനത്തിൻ്റെ വീഡിയോ അയച്ചു നൽകിയത്. സംഭവത്തിൽ നിയമനടപടി സ്വീകരിക്കുമെന്ന് നിർമാതാവ് എം. രഞ്ജിത്ത് അറിയിച്ചു.

മലപ്പുറത്ത് നിന്ന് വാഗമണിലേയ്ക്ക് ടൂർ പോയ ബസിലാണ് സിനിമ പ്രദർശിപ്പിച്ചതെന്നാണ് വിവരം. ബസ് ബ്ലോക്കിൽപ്പെട്ട് നിർത്തിയിട്ടപ്പോൾ ഒരു വിദ്യാർത്ഥി പുറത്ത് നിന്ന് വീഡിയോ എടുക്കുകയായിരുന്നു.