ദില്ലിയിൽ വായുമലിനീകരണ തോത് രൂക്ഷമായി തുടരുന്നു

• മലിനീകരണ തോത് 266 ആയി

ദില്ലി: വായുമലിനീകരണ തോത് രൂക്ഷമായി തുടരുന്നു. ശരാശരി മലിനീകരണ തോത് 266 ആയി. വരും ദിവസങ്ങളിൽ ഇനിയും ഉയരുമെന്നാണ് മുന്നറിയിപ്പ്. അധികൃതരുടെ തീരുമാനം നിയന്ത്രണങ്ങൾ കൂടുതൽ കർശനമാക്കി നടപ്പാക്കാനാണ് .

മലിനീകരണം കാരണം പത്തിൽ 7 കുടുംബങ്ങളും ബുദ്ധിമുട്ടുന്നു എന്നാണ് സർവേ ഫലം പുറത്തുവന്നിരിക്കുന്നത്. 62 ശതമാനം കുടുംബങ്ങളിൽ ഒരാൾക്ക് എങ്കിലും കണ്ണെരിച്ചിൽ, 31 ശതമാനം കുടുംബങ്ങളിൽ ശ്വാസ തടസ്സം, ആസ്‌മ എന്നിവയും അനുഭവിക്കേണ്ടി വരുന്നുവെന്നും സർവേ റിപ്പോർട്ടിൽ പറയുന്നു .

ദീപാവലി രാത്രിയിൽ നഗരത്തിൽ ചിലയിടങ്ങളിൽ മലിനീകരണ തോത് 999 വരെ എത്തി എന്നും സർവേയിൽ പറയുന്നു. സർവേ ലോക്കൽ സർക്കിൾസ് എന്ന സംഘടനയാണ് നടത്തിയത്. എന്നാൽ ആശ്വാസകരമായ വാർത്തയും പുറത്തുവരുന്നുണ്ട്. 2015 ന് ശേഷം താരതമന്യേന മെച്ചപ്പെട്ട വായു ഗുണനിലവാരമാണ് ഇപ്പോൾ ദീപാവലിയ്ക്ക് ശേഷം ദില്ലിയിലുള്ളത്. ഇപ്പോൾ പുക മൂടിയ അന്തരീക്ഷമാണ് ദില്ലിയിലുള്ളത്.