നടിയെ ആക്രമിച്ച കേസിൽ വിചാരണക്കോടതി ഇന്ന് വീണ്ടും പരിഗണിക്കും

• കേസിന്റെ വിധി പറയുന്ന തിയതി ഉടൻ അറിയിക്കും

കൊച്ചി: നടിയെ ആക്രമിച്ച കേസ് കൊച്ചിയിലെ വിചാരണക്കോടതി ഇന്ന് വീണ്ടും പരിഗണിക്കും. അന്തിമ വാദം പൂർത്തിയായ കേസിൽ പ്രോസിക്യൂഷൻ ആരോപണങ്ങളിൽ സംശയനിവാരണം അവസാന ഘട്ടത്തിലാണ്.

കേസിന്റെ വിധി പറയുന്ന തിയതി ഉടൻ അറിയിക്കും. എറണാകുളം പ്രിൻസിപ്പൽ സെഷൻസ് കോടതി ജഡ്‌ജിയാണ് കേസിൽ വിധി പറയുന്നത് പൾസർ സുനി ഒന്നാം പ്രതിയായ കേസിൽ നടൻ ദിലീപാണ് എട്ടാം പ്രതി.