പകർപ്പവകാശ നിയമം ലംഘിച്ചു, ‘മഞ്ഞുമ്മലി’നെതിരെ ഇളയരാജ

• ‘കണ്മണി അൻപോട്’ ഗാനം ഉൾപെടുത്തിയത് തന്റെ അനുമതി തേടാതെ

ചെന്നൈ: മഞ്ഞുമ്മൽ ബോയ്സ് സിനിമക്കെതിരെ സംഗീത സംവിധായകൻ ഇളയരാജ. ‘കണ്മണി അൻപോട്’ എന്ന തന്റെ ഗാനം സിനിമയിൽ ഉൾപ്പെടുത്തിയത് അനുമതി തേടാതെയാണെന്ന് കാട്ടിയാണ് ഇളയരാജ നിർമ്മാതാക്കൾക്ക് വക്കീൽ നോട്ടീസ് അയച്ചത്.

‘കണ്മണി അൻപോട് ‘ഗാനം ഉൾപെടുത്തിയതിന് അനുമതി തേടിയിരുന്നില്ലെന്ന് വ്യക്തമാക്കിയ ഇളയരാജ, ടൈറ്റിൽ കാർഡിൽ പരാമർശിച്ചത് കൊണ്ടു മാത്രം കാര്യമില്ലെന്നും വ്യക്തമാക്കിയാണ് വക്കീൽ നോട്ടീസ് അയച്ചത്. 15 ദിവസത്തിനകം നഷ്ടപരിഹാരം നൽകണമെന്ന് ആവശ്യപ്പെട്ടിട്ടുണ്ട്. നഷ്ടപരിഹാരം നൽകിയില്ലെങ്കിൽ നിയമനടപടിയുമായി മുന്നോട്ടു പോകുമെന്നും അദ്ദേഹം വക്കീൽ നോട്ടീസിൽ വ്യക്തമാക്കി.