പശ്ചിമ ബംഗാൾ; പണിമുടക്ക് തുടർന്ന് ഡോക്ടർമാർ
- കൊല്ലപ്പെട്ട ജൂനിയർ ഡോക്‌ടർക്ക് നീതി ഉറപ്പാക്കണം, കേസ് അട്ടിമറിക്കാൻ ശ്രമിച്ച എല്ലാവരെയും പിടികൂടണം തുടങ്ങിയ ആവശ്യങ്ങൾ ഉന്നയിച്ചാണ് പ്രതിഷേധം
കൊൽക്കത്തെ: പണിമുടക്ക് തുടർന്ന് കൊൽക്കത്ത ആർ ജി കർ മെഡിക്കൽ കോളേജിലെ ഡോക്ടർമാർ. സുപ്രീംകോടതി നിർദേശിച്ച സമയപരിധിക്കുശേഷവും ഡോക്ടർമാർ പണിമുടക്കി സമരം ചെയ്യുകയാണ്. കൊല്ലപ്പെട്ട ജൂനിയർ ഡോക്‌ടർക്ക് നീതി ഉറപ്പാക്കണം, കേസ് അട്ടിമറിക്കാൻ ശ്രമിച്ച എല്ലാവരെയും പിടികൂടണം തുടങ്ങിയ ആവശ്യങ്ങൾ ഉന്നയിച്ചാണ് പ്രതിഷേധം.
സമരം പിൻവലിക്കാൻ സുപ്രീംകോടതി നിർദേശിച്ച ചൊവ്വാഴ്‌ച അഞ്ച് മണിക്കുള്ളിൽ ആവശ്യങ്ങൾ സംസ്ഥാന സർക്കാർ അംഗീകരിച്ചില്ലെങ്കിൽ സമരം തുടരുമെന്ന നിലപാടിലായിരുന്നു ഡോക്ടർമാർ. ആരോഗ്യ സെക്രട്ടറി, ഡയറക്ടർ, ആരോഗ്യ വിദ്യാഭ്യാസ ഡയറക്ടർ എന്നിവർ രാജിവയ്ക്കണമെന്ന ആവശ്യവും അവർ മുന്നോട്ടുവച്ചിട്ടുണ്ട്. ആശുപത്രിയിൽ അപകടകരമായ അന്തരീക്ഷം സൃഷ്ടിച്ചു എന്നാരോപിച്ച് 51 ഡോക്ടർമാർക്ക് അധികൃതർ നോട്ടീസ് നൽകി.
CATEGORIES News
