പാലക്കാട് ശബരിമല തീർഥാടകർ സഞ്ചരിച്ച് ബസ് മറിഞ്ഞ് അപകടം

• 15 പേർക്ക് പരിക്ക്

പാലക്കാട്:ശബരിമല തീർഥാടകർ സഞ്ചരിച്ച ബസ് മറിഞ്ഞ് അപകടം.വടക്കഞ്ചേരി ദേശീയപാതയിൽ അഞ്ചുമൂർത്തിമംഗലം കൊല്ലത്തറ ബസ്സ്റ്റോപ്പിനുസമീപം ആണ് അപകടം നടന്നത്. അപകടത്തിൽ 15 പേർക്ക് പരിക്ക്.ആരുടെയും പരിക്ക് ഗുരുതരമല്ല. ഇന്ന് പുലർച്ചെ 12.30നാണ് അപകടം. തമിഴ്‌നാട് തിരുത്തണിയിൽനിന്ന് ശബരിമലയിലേക്ക് പോവുകയായിരുന്ന ബസാണ് മറിഞ്ഞത്.

ബസിലുണ്ടായിരുന്നത് 25 തീർഥാടകരായിരുന്നു. വാഹനത്തിന്റെ നിയന്ത്രണംതെറ്റി ഡിവൈഡറിൽ ഇടിച്ചതാണ് അപകടത്തിനു കാരണമെന്ന് ഹൈവേ പോലീസ് പറഞ്ഞു. നാട്ടുകാരും, വിവരമറിഞ്ഞയുടൻ സ്ഥലത്തെത്തിയ പോലീസും അഗ്‌നിരക്ഷാസേനയും ചേർന്നാണ് രക്ഷാപ്രവർത്തനം നടത്തിയത്. പരിക്കേറ്റവരെ ആലത്തൂർ താലൂക്കാശുപത്രിയിൽ പ്രവേശിപ്പിച്ചു.