പാലക്കാട് സ്കൂൾ ബസ്സിടിച്ച് വിദ്യാർത്ഥിനിക്ക് ദാരുണാന്ത്യം

• ഒന്നാംക്ലാസ് വിദ്യാർത്ഥിനി ത്രിതിയ ആണ് മരിച്ചത്

പാലക്കാട്: സ്‌കൂൾ ബസ്സിടിച്ച് വിദ്യാർത്ഥിനിക്ക് ദാരുണാന്ത്യം. എരിമയൂർ സെന്റ് തോമസ് മിഷൻ എൽപി സ്കൂളിലെ ഒന്നാംക്ലാസ് വിദ്യാർത്ഥിനി ത്രിതിയ (6) ആണ് മരിച്ചത്. അപകടത്തിൽ പരിക്കേറ്റ് ചികിത്സയിലിരിക്കെയാണ് മരണം.

ഇന്നലെ വൈകിട്ട് നാലോടെയാണ് വിദ്യാർത്ഥിനിയെ വാഹനം ഇടിച്ചത്. സ്കൂൾ ബസിൽ നിന്നും ഇറങ്ങിയ ശേഷം റോഡ് മുറിച്ചുകടക്കവേ അതേ ബസ് ഇടിച്ചാണ് വിദ്യാർത്ഥിക്ക് പരിക്കേറ്റത്. ചികിത്സയിലിരിക്കെ ഇന്നാണ് മരിച്ചത്. അച്ഛൻ :കൃഷ്ണദാസ്, അമ്മ:രജിത