പെൻഷനേഴ്സ് സംഘ് ധർണ നടത്തി
- ധർണ ജില്ലാ സെക്രട്ടറി കെ. ശ്യാമപ്രസാദ് ഉദ്ഘാടനം ചെയ്തു
പയ്യോളി :കേരള സർക്കാർ പെൻഷൻകാരോട് കാണിക്കുന്ന അവഗണനക്കെതിരെ പെൻഷനേഴ്സ് സംഘ് സംസ്ഥാനത്ത് നടത്തുന്ന പ്രതിഷേധ വാരാചരണത്തിൻ്റെ ഭാഗമായി പയ്യോളി സബ് ട്രഷറിക്കു മുമ്പിൽ നോട്ടീസ് വിതരണവും ധർണയും നടത്തി.
ധർണ ജില്ലാ സെക്രട്ടറി കെ. ശ്യാമപ്രസാദ് ഉദ്ഘാടനം ചെയ്തു. പരിപാടിയിൽ ജില്ലാ വൈസ് പ്രസിഡണ്ട് പി. ഗോപാലൻ മാസ്റ്റർ അധ്യക്ഷത വഹിച്ചു . വിവിധ ബ്ലോക്കുകളെ പ്രതിനിധീകരിച്ച് സി.ബാലകൃഷ്ണൻ, കെ സുകുമാരൻ, വി.രാജ ഗോപാൽ, വി.എം വിജയ കുമാർ, അരവിന്ദാക്ഷൻ ചേമഞ്ചേരി എന്നിവർ ആശംസകൾ അർപ്പിച്ചു സംസാരിച്ചു. കെ. സഹദേവൻ സ്വാഗതവും ജില്ലാ ജോയിൻ്റ് സെക്രട്ടറി പി.പി. ബാലചന്ദ്രൻ നന്ദിയും രേഖപ്പെടുത്തി.
പ്രതിഷേധ പരിപാടികൾക്ക് അജിത് വാകമോളി, ടി.ഭാസ്കരൻ, സോമൻ സുമലത , ഉഷാനന്ദിനി ജി.എൻ നേതൃത്വം നൽകി. മെഡിസെപ്പ് അപാകത പരിഹരിക്കുക, 19% ഡി.എ കുടിശ്ശിക അനുവദിക്കുക, 12-ാം ശമ്പള – പെൻഷൻ പരിഷ്കരണ നടപടികൾ ഉടനെ ആരംഭിക്കുക ആവശ്യങ്ങളടങ്ങിയ നിവേദനം അധികൃതർക്കു കൈമാറി.
