പെൻഷൻ പരിഷ്‌കരണ കുടിശിക ഗഡു ഉടൻ വിതരണം ചെയ്യും

• നൽകാനുള്ള 4 ഗഡു കുടിശികയിൽ ഒരു ഗഡു വൈകാതെ നൽകും

തിരുവനന്തപുരം: സർവീസ് പെൻഷൻകാർക്ക് വിതരണം ചെയ്യാനുള്ള പെൻഷൻ പരിഷ്കരണ കുടിശികയുടെ ഒരു ഗഡു കൂടി നൽകും. താമസിയാതെ ഇതു സംബന്ധിച്ച ഉത്തരവിറക്കുമെന്നു ധനവകുപ്പ് വൃത്തങ്ങൾ വ്യക്തമാക്കി. പെൻഷൻ പരിഷ്‌കരണ കുടിശിക 4 ഗഡുക്കളായി നൽകാനായിരുന്നു സർക്കാർ തീരുമാനം.വൈകിയെങ്കിലും 3 ഗഡുക്കൾ നൽകിയിരുന്നു . ബാക്കിയുള്ള ഒരു ഗഡുവാണ് ഉടൻ നൽകുക.

ക്ഷേമപെൻഷൻകാർക്ക് നൽകാനുള്ള 4 ഗഡു കുടിശികയിൽ ഒരു ഗഡു വൈകാതെ നൽകും. ബാക്കിയുള്ളതിൽ 2 ഗഡുക്കൾ ഏപ്രിലിൽ ആരംഭിക്കുന്ന അടുത്ത സാമ്പത്തിക വർഷം നൽകുമെന്നും സർക്കാർ നേരത്തേ പ്രഖ്യാപിച്ചിരുന്നു.