പ്രതിഷേധ പൊങ്കാല അർപ്പിക്കാൻ ആശ പ്രവർത്തകർ

• ഇന്ന് പൊങ്കാലയിട്ട് സമരം നടത്തുന്നത് അമ്പതോളം വരുന്ന ആശാ പ്രവർത്തകർ

തിരുവനന്തപുരം: ആറ്റുകാൽ ദേവിക്ക് ഇന്ന് ഭക്തജനലക്ഷങ്ങൾ പൊങ്കാല അർപ്പിക്കുമ്പോൾ ഒരു മാസക്കാലമായി തിരുവനന്തപുരത്ത് പ്രതിഷേധിക്കുന്ന ആശമാരും ഇന്ന് പൊങ്കാലയിടും.

ആശമാരുടേത് പ്രതിഷേധ പൊങ്കാലയാണ്. സർക്കാരിന്റെ കനിവ് തേടിയുള്ള പൊങ്കാലയാണ് സമരത്തിനിറങ്ങിയിരിക്കുന്ന ആശമാർ ഇടുന്നത്. തങ്ങളുടെ ആവശ്യങ്ങൾ ന്യായമാണെന്നും തങ്ങളുടെ ആവശ്യങ്ങളിൽ ഞങ്ങൾ ഉറച്ച് നിൽക്കുകയാണെന്നും ആശമാർ അറിയിച്ചു . ഇന്ന് പൊങ്കാലയിട്ട് സമരം നടത്തുന്നത് അമ്പതോളം വരുന്ന ആശാ പ്രവർത്തകരാണ് . സർക്കാർ തങ്ങളെ നോക്കുന്നില്ലെന്നും അവരുടെ ഭാഗത്ത് നിന്ന് ഒരു പിടിവാശിയാണ് കാണുന്നതെന്നുമാണ് ആശമാർ പറയുന്നത്.