പ്ലസ് വൺ, ഒന്നാം ക്ലാസ് പ്രവേശനനം ; പ്രത്യേകം സർക്കുലറും സമയക്രമവും പുറത്തിറക്കുമെന്ന് മന്ത്രി

• സർക്കുലർ ലംഘിച്ചാൽ കർശന നടപടിയെടുക്കുമെന്ന് മന്ത്രിയുടെ മുന്നറിയിപ്പ്

തിരുവനന്തപുരം : സംസ്ഥാനത്തെ സ്കൂളുകളിലെ പ്ലസ് വൺ പ്രവേശനത്തിനും ഒന്നാം ക്ലാസ് പ്രവേശനത്തിനും പ്രത്യേക സർക്കുലറും സമയക്രമവും പുറത്തിറക്കുമെന്ന് മന്ത്രി വി. ശിവൻകുട്ടി പറഞ്ഞു . ഈ വർഷത്തെ വാർഷിക പരീക്ഷകൾ ആരംഭിക്കുന്നതിനു മുമ്പ് തന്നെ പല സ്കൂളുകളിലും അടുത്തവർഷത്തെ അഡ്മിഷൻ പൂർത്തിയാക്കിയതായി കണ്ടെത്തിയ സാഹചര്യത്തിലാണ് വിദ്യാഭ്യാസ വകുപ്പിന്റെ പുതിയ നടപടി. എസ്എസ്എൽസി പരീക്ഷ ആരംഭിക്കുന്നതിനു മുമ്പ് തന്നെ പല സ്വകാര്യ സ്കൂളുകളിലും പ്ലസ് വൺ പ്രവേശനം നടത്തുന്നതായി മന്ത്രി ചൂണ്ടിക്കാട്ടിയിട്ടുണ്ട്.

സർക്കുലർ ലംഘിച്ചാൽ കർശന നടപടി ഉണ്ടാകും എന്നും മന്ത്രി മുന്നറിയിപ്പ് നൽകി. വാർത്താസമ്മേളനത്തിലാണ് മന്ത്രശിവൻ കുട്ടിയുടെ വിശദീകരണം. ഒന്നാം ക്ലാസ് പ്രവേശനത്തിന് പ്രവേശന പരീക്ഷയും അഭിമുഖവും നടത്താൻ അനുവദിക്കില്ലെന്നും മന്ത്രി പറഞ്ഞു . പല സ്കൂ‌ളുകളും രക്ഷിതാക്കളെയടക്കം അഭിമുഖം നടത്തി ഒന്നാം ക്ലാസ് പ്രവേശനം സംബന്ധിച്ച് കാര്യങ്ങൾ പുറത്തു വന്നിരുന്നു . ഇത് കുട്ടികളോടും രക്ഷിതാക്കളോടും ചെയ്യുന്ന പീഡനമാണ്.അധ്യയനവർഷം ആരംഭിക്കുന്നതിന് തൊട്ടുമുൻപ് സമയക്രമം പാലിച്ചു മാത്രമേ സ്‌കൂൾ പ്രവേശനം അനുവദിക്കൂ എന്നും മന്ത്രി കൂട്ടിചേർത്തു.