മൂന്നര വയസുകാരിയെ ലൈംഗികമായി പീഡിപ്പിച്ചു; പിതൃസഹോദരൻ അറസ്റ്റിൽ

• ആറു മാസം മുമ്പാണ് കുട്ടിയെ ഇയാൾ ആദ്യമായി പീഡനത്തിനിരയാക്കുന്നത് എന്നാണ് പോലീസ് പറയുന്നത്

കൊല്ലം: കൊല്ലത്ത് മൂന്നര വയസുകാരിയെ ലൈംഗികമായി പീഡിപ്പിച്ച കേസിൽ കുട്ടിയുടെ പിതൃസഹോദരൻ അറസ്റ്റിൽ. ആറു മാസം മുമ്പാണ് കുട്ടിയെ ഇയാൾ ആദ്യമായി പീഡനത്തിനിരയാക്കുന്നത് എന്നാണ് പോലീസ് പറയുന്നത്. വീട്ടിൽ ആരുമില്ലാതിരുന്ന അവസരത്തിൽ നടത്തിയ അതിക്രമത്തെ തുടർന്ന് കുട്ടി ശാരീരിക അസ്വസ്ഥതകൾ നേരിട്ടിരുന്നു. കുട്ടിക്ക് സാധാരണയായുണ്ടാകുന്ന ശാരീരിക ബുദ്ധിമുട്ടുകൾ ആയിരിക്കുമെന്ന് കരുതി വീട്ടുകാർ ഇത് ഗൗരവമായി എടുത്തിരുന്നില്ല. ഇതിനുശേഷം ഇയാൾ കുട്ടിയെ തുടർച്ചായി പീഡനത്തിന് ഇരയാക്കിയതായി പോലീസ് വ്യക്തമാക്കി. കഴിഞ്ഞ ദിവസ്സവും കുട്ടി ശാരീരിക അസ്വസ്ഥതകൾ പ്രകടിപ്പിച്ചതിനെ തുടർന്ന് രക്ഷിതാക്കൾ വാർഡിലെ ആശാ വർക്കറെ അറിയിക്കുകയായിരുന്നു.