യുഎഇ ആശുപത്രിയിൽ പുരുഷ നഴ്സുമാരുടെ നിയമനം
- അവസാന തിയതി ജൂലൈ 20
തിരുവനന്തപുരം : യുഎഇയിലെ പ്രമുഖ ആശുപത്രിയിൽ പുരുഷ നഴ്സുമാരുടെ ഒഴിവുകളിലേക്ക് ഇപ്പോൾ അപേക്ഷിക്കാം. കേരള സർക്കാർ സ്ഥാപനമായ ഒഡെപെക് മുഖേനയാണ് യോഗ്യരായ ഉദ്യോഗാർഥികളെ നിയമിക്കുന്നത്. ആകെ 80 ഒഴിവുകളാണുള്ളത്. ബിഎസ്സി നഴ്സിങ് അല്ലെങ്കിൽ പോസ്റ്റ് ബേസിക് ബിഎസ്സി നഴ്സിങ് പാസായിരിക്കണം. കൂടാതെ ഐസിയു, എമർജൻസി, അർജൻ്റെ കെയർ, ക്രിട്ടിക്കൽ കെയർ, ഓയിൽ ആൻഡ് ഗ്യാസ് നഴ്സിങ് എന്നിവയിലേതിലെങ്കിലും കുറഞ്ഞത് രണ്ടു വർഷത്തെ പ്രവൃത്തി പരിചയം അപേക്ഷകന് ഉണ്ടായിരിക്കണം.
40 വയസിനു താഴെ ഉള്ളവർക്ക് അപേക്ഷിക്കാം. ഡിഒഎച്ച് ലൈസൻസ്/ ഡിഒച്ച് ഡാറ്റാഫ്ലോ പോസിറ്റിവ് റിസൾട്ട് എന്നിവ ഉണ്ടായിരിക്കണം.5000 ദിർഹമാണ് പ്രതിമാസ ശമ്പളം. താമസസൗകര്യവും, വിദൂര സ്ഥലങ്ങളിൽ ജോലി ചെയ്യേണ്ടി വന്നാൽ ഭക്ഷണവും സൗജന്യമായി കമ്പനി നൽകും. ഇതിന് പുറമെ ഗതാഗത ചെലവുകളും കമ്പനി വക ഉണ്ടായിരിക്കും. വിമാനടിക്കറ്റ്, മെഡിക്കൽ ഇൻഷുറൻസ് എന്നിവ കമ്പനി നൽകും. വർഷത്തിൽ 30 ദിവസത്തെ അവധിയും ഉണ്ട്. യോഗ്യരായ ഉദ്യോഗാർഥികൾക്ക് ജൂലൈ 20 വരെ സിവിയും, ഡിഒഎച്ച് ലൈസൻസിന്റെ കോപ്പി, ഡിഒഎച്ച് ഡേറ്റാഫ്ലോ റിസൽട്ട് എന്നിവ സഹിതം gcc@odepc.in എന്ന ഇമെയിൽ വിലാസത്തിൽ അപേക്ഷകൾ അയക്കാം. “മെയിൽ ഇൻഡസ്ട്രിയൽ നഴ്‌സ് ടു യുഎഇ”എന്ന് സബ്ജെക്ട‌് ലൈൻ ആയി ഇമെയിലിൽ ചേർക്കുക. വിശദവിരങ്ങൾക്ക് http://odepc.kerala.gov.in
സന്ദർശിക്കുക
