ലഹരി വിരുദ്ധ പ്രതിജ്ഞയും വയോജന പീഡന ദിനാചരണവും

• പരിപാടി സംസ്ഥാന കമ്മിറ്റി മെമ്പർ കെ. കെ ഗോവിന്ദൻകുട്ടി മാസ്റ്റർ ഉദ്ഘാടനം ചെയ്തു

കുറ്റ്യാടി: സീനിയർ സിറ്റിസൻസ് ഫോറം കുന്നുമ്മൽ മേഖല ബ്ലോക്കിന്റെ ആഭിമുഖ്യത്തിൽ ലഹരി വിരുദ്ധ പ്രതിജ്ഞയും, വയോജന പീഡന വിരുദ്ധ ദിനാചരണവും നടന്നു.

പരിപാടി സംസ്ഥാന കമ്മിറ്റി മെമ്പർ കെ. കെ ഗോവിന്ദൻകുട്ടി മാസ്റ്റർ ഉദ്ഘാടനം ചെയ്തു. കവിയും മോട്ടിവേറ്ററുമായ ഇബ്രാഹിം തിക്കോടി “വയോജന പീഡനം വരുന്ന വഴിയും, തട്ടിമാറ്റി ഉയരാനുള്ള വഴിയും” എന്ന വിഷയത്തിൽ മുഖ്യപ്രഭാഷണം നടത്തി. ചടങ്ങിന് മേഖല പ്രസിഡന്റ് കുഞ്ഞിക്കേളു നമ്പ്യാർ അധ്യക്ഷത വഹിച്ചു. ടി.എം അഹമ്മദ് ,മുകുന്ദൻ മാസ്റ്റർ, ഇ.സി.ബാലൻ,ബാലൻ തിനൂർ ,നീലകണ്ഠൻ മാസ്റ്റർ, കെ. കെ രാഘവൻ ,ഡൽഹി കേളപ്പൻ എന്നിവർ സംസാരിച്ചു.