വഖഫ് ഭൂമി തർക്കം; പരിഹരിക്കുന്നതിനായി ജുഡീഷ്യൽ കമ്മീഷനെ നിയമിക്കാൻ തീരുമാനം

തിരുവനന്തപുരം: വഖഫ് ഭൂമി തർക്കം പരിഹരിക്കുന്നതിനായി ജുഡീഷ്യൽ കമ്മീഷനെ നിയമിക്കാൻ തീരുമാനം. മുഖ്യമന്ത്രി വിളിച്ച ഉന്നതതല യോഗത്തിലാണ് ജുഡീഷ്യൽ കമ്മീഷനെ നിയോഗിക്കാൻ തീരുമാനമായത്. തർക്കത്തിന്റെ എല്ലാ വശവും വിശദമായി പരിശോധിച്ചെന്ന് പറഞ്ഞ സർക്കാർ സംഭവത്തിന്റെ ചരിത്ര പശ്ചാത്തലം നിയമവശങ്ങൾ ഹൈക്കോടതിയിലെ കേസുകൾ എന്നിവയും ചർച്ച ചെയ്തു. മൂന്നു മാസത്തിനകം കമ്മീഷൻ നടപടികൾ പൂർത്തീകരിക്കണം. അർഹരായവർക്കുള്ള നിയമപരമായ കൈവശാവകാശം സംരക്ഷിക്കാനുള്ള ശാശ്വത പരിഹാരം ഉണ്ടാകും.

ഒരു യോഗം കൊണ്ട് തീരുന്ന കാര്യമല്ല മുനമ്പത്തേതെന്ന് യോഗത്തിന് ശേഷം പറഞ്ഞ നിയമമന്ത്രി പി. രാജീവ് ശാശ്വതമായ പരിഹാരത്തിനാണ് സർക്കാർ ശ്രമിക്കുന്നതെന്നും കൂട്ടിച്ചേർത്തു. സമര സമിതിയോട് മുഖ്യമന്ത്രി നേരിട്ട് ചർച്ച നടത്തുമെന്നും എടുത്ത തീരുമാനങ്ങൾ ബോധ്യപ്പെടുത്തുമെന്നും അദേഹം പറഞ്ഞു.