വാഹനാപകടത്തിൽ രണ്ടു വിദ്യാർത്ഥികൾക്ക് ദാരുണാന്ത്യം

• ടിപ്പർ ലോറിയും ഇരുചക്രവാഹനവും കൂട്ടിയിടിച്ചാണ് അപകടം

മലപ്പുറം:മലപ്പുറം മിനി ഊട്ടിയിലുണ്ടായ വാഹനാപകടത്തിൽ രണ്ടു വിദ്യാർത്ഥികൾക്ക് ദാരുണാന്ത്യം.അപകടം നടന്നത് ടിപ്പർ ലോറിയും ഇരുചക്രവാഹനവും കൂട്ടിയിടിച്ചാണ്.

ഇന്ന് രാവിലെ പത്തുമണിയോടെയാണ് അപകടമുണ്ടായത്. കൊട്ടപ്പുറം സ്വദേശികളായ മുഫീദ് (17), വിനായക് (17) എന്നിവരാണ് മരിച്ചത്. പരിക്കേറ്റ മറ്റൊരു വിദ്യാർത്ഥി കൊട്ടപ്പുറം സ്വദേശി അഫ്ലഹിനെ (16) ആശുപത്രിയിൽ പ്രവേശിപ്പിച്ചു. മുഫീദ് സംഭവ സ്ഥലത്ത് തന്നെ മരിച്ചു. ആശുപത്രിയിലെത്തിച്ചെങ്കിലും വിനായകനെ രക്ഷിക്കാനായില്ല. ചികിത്സയിലുള്ള അഫ്ലഹിന്റെ ആരോഗ്യനില തൃപ്തികരമാണ്.