ശബരിമല ;തുടർച്ചയായ മൂന്നാം ദിവസവും 75,000 പിന്നിട്ട് തീർത്ഥാടകരുടെ എണ്ണം

• ഇന്നലെ 78,483 തീർത്ഥാടകരാണ് ദർശനം നടത്തിയത്

പത്തനംതിട്ട: കനത്ത മഴയെ അവഗണിച്ചും ശബരിമലയിൽ പതിനായിരക്കണക്കിന് തീർത്ഥാടകരാണ് സന്നിധാനത്തേക്ക് എത്തുന്നത് . തുടർച്ചയായ മൂന്നാം ദിവസവും 75,000 പിന്നിട്ട് തീർഥാടകരുടെ എണ്ണം.

വൃശ്ചികത്തിലെ തൃക്കാർത്തിക ദിവസമായ ഇന്നലെ 78,483 തീർത്ഥാടകരാണ് ദർശനം നടത്തിയത്. കാലാവസ്ഥ പ്രതികൂലമായി തുടരുന്ന സാഹചര്യത്തിൽ തീർത്ഥാടകരുടെ സുരക്ഷയ്ക്ക് വേണ്ടി സംയുക്ത തല യോഗം ചേർന്നു. നിലവിൽ യാതൊരു നിയന്ത്രണങ്ങളും തീർത്ഥാടകർക്ക് ഏർപ്പെടുത്തിയിട്ടില്ല. വനമേഖലയിൽ വഴുക്കൽ ഉള്ളതിനാൽ കാനന പാത വഴി വരുന്ന ഭക്തർ അതീവ ജാഗ്രത പുലർത്തണം എന്ന് നിർദേശവും ഉണ്ട്.