സംസ്ഥാനത്ത് സ്വർണ്ണവില കുറഞ്ഞു

• ഡിസംബറിൽ റെക്കോർഡ് കടക്കുമെന്ന് റിപ്പോർട്ട്

തിരുവന്തപുരം:സംസ്ഥാനത്ത് സ്വർണവില കുറഞ്ഞു. 560 രൂപ കുറഞ്ഞ് ഒരു പവൻ സ്വർണത്തിൻ്റെ വില 56,240 രൂപയായി. ഗ്രാമിന് 70 രൂപയാണ് കുറഞ്ഞത്. ഒരു ഗ്രാം സ്വർണത്തിന്റെ വില 7030 രൂപയാണ്. സ്വർണവില കുറയാൻ തുടങ്ങിയത് കഴിഞ്ഞ ദിവസം മുതലാണ്.

കഴിഞ്ഞ വെള്ളിയാഴ്ച 56,960 രൂപയായി ഉയർന്നാണ് സ്വർണവില റെക്കോർഡിട്ടത്. ശനിയാഴ്ച സ്വർണ്ണവിലയിൽ മാറ്റം ഉണ്ടായിരുന്നില്ല. ഈ വർഷം അവസാനത്തോടെ സ്വർണവില പുതിയ റെക്കോർഡിലേക്കെത്തുമെന്നാണ് റിപ്പോർട്ട്. കണക്കുകൾ പ്രകാരം കഴിഞ്ഞ വർഷത്തെ അപേക്ഷിച്ച് സ്വർണ വിലയിൽ ഈ വർഷം 29 ശതമാനം വർധനവാണ് ഉണ്ടായത്.