സംസ്ഥാന സ്കൂൾ കലോത്സവത്തിന് ഇത്തവണ തൃശൂർ വേദിയാകും
- വിദ്യാഭ്യാസ മന്ത്രി വി ശിവൻകുട്ടിയുടെ നേതൃത്വത്തിൽ നടന്ന യോഗത്തിലാണ് തീരുമാനം.
തിരുവനന്തപുരം : സംസ്ഥാന സ്കൂൾ കലോത്സവത്തിന് ഇത്തവണ തൃശൂർ വേദിയാകും. കായികമേള തിരുവനന്തപുരത്തും ശാസ്ത്രമേള പാലക്കാടും സ്പെഷ്യൽ സ്കൂ‌ൾമേള മലപ്പുറത്തും നടക്കും. വിദ്യാഭ്യാസ മന്ത്രി വി ശിവൻകുട്ടിയുടെ നേതൃത്വത്തിൽ നടന്ന യോഗത്തിലാണ് തീരുമാനം.
കഴിഞ്ഞ തവണ സ്കൂൾ കലോത്സവം തിരുവനന്തപുരത്തായിരുന്നു നടന്നത്. തൃശൂരായിരുന്നു ചാമ്പ്യന്മാർ. ഒരു പോയിന്റിന് പാലക്കാടിനെ മറികടന്നാണ് കാൽനൂറ്റാണ്ടിന് ശേഷം തൃശൂർ ചാമ്പ്യന്മാരായത്.
