സാമൂഹ്യ സുരക്ഷ പെൻഷൻ വിതരണം ജൂലൈ 24 മുതൽ

• ഗുണഭോക്താക്കൾക്ക് 1600 രൂപ വീതമാണ് ലഭിക്കുക

തിരുവനന്തപുരം:സാമൂഹ്യ സുരക്ഷ പെൻഷൻ വിതരണം ജൂലൈ 24 ന് തുടങ്ങുമെന്ന് ധനമന്ത്രി കെ.എൻ.ബാലഗോപാൽ അറിയിച്ചു. ഗുണഭോക്താക്കൾക്ക് 1600 രൂപ വീതമാണ് ലഭിക്കുക. ഇതിനായി ധനകാര്യ വകുപ്പ് അനുവദിച്ചിട്ടുള്ളത് 900 കോടി രൂപയാണ്.

ഗുണഭോക്താക്കളിൽ ബാങ്ക് അക്കൗണ്ട് നമ്പർ നൽകിയിട്ടുള്ളവർക്ക് അക്കൗണ്ട് വഴിയും, മറ്റുള്ളവർക്ക് പെൻഷൻ സഹകരണ സംഘങ്ങൾ വഴി നേരിട്ടു വീട്ടിലും എത്തിക്കും.