സ്വർണവിലയിൽ നേരിയ ഇടിവ്

• പവന് 560 രൂപ കുറഞ്ഞു

കൊച്ചി: സംസ്ഥാനത്ത് സ്വർണവിലയിൽ നേരിയ ഇടിവ്. പവന് 560 രൂപ കുറഞ്ഞു. 59,080 ആണ് നിലവിലെ വില. ഇന്നലെ പവന് 59, 640 രൂപയായിരുന്നു വില. ഗ്രാമിന് 70 രൂപ കുറഞ്ഞ് 7,385 രൂപയായി. മൂന്നുദിവസംകൊണ്ട് പവന് 1120 രൂപ വർധിച്ചിരുന്നു. 60, 000 എന്ന റെക്കോർഡ് തുകയിലേക്ക് എത്തുന്നതിനിടെയാണ് വിലയിൽ നേരിയ ഇടിവ് വന്നത്.

ഒരുമാസത്തിനുള്ളിൽ 3000 രൂപയാണ് സ്വർണത്തിന് വർധിച്ചത്. പുതിയവിലയിൽ ഒരുപവൻ ആഭരണം വാങ്ങാൻ പണിക്കൂലിയും നികുതിയും ഹാൾമാർക്കിങ് നിരക്കും ഉൾപ്പെടെ കുറഞ്ഞത് 64,555 രൂപയോളം വേണ്ടിവരും.