സ്വർണ്ണവില വീണ്ടും ഉയർന്നു; ഇന്ന് വർദ്ധിച്ചത് 400 രൂപ

• കഴിഞ്ഞ നാല് ദിവസം കൊണ്ട് കുറഞ്ഞ 400 രൂപയാണ് ഇന്ന് ഒറ്റയടിക്ക് വർദ്ധിച്ചത്

തിരുവനന്തപുരം:സംസ്ഥാനത്ത് വില ഇടിവിന് ശേഷം ഇന്ന് സ്വർണവില ഉയർന്നു. പവന് ഇന്ന് 400 രൂപയാണ് ഒറ്റയടിക്ക് കൂടിയത് . നാല് ദിവസങ്ങൾക്ക് ശേഷമാണ് സ്വർണവില കൂടിയത് . വിപണിയിൽ ഇന്ന് ഒരു പവൻ സ്വർണത്തിന്റെ വില 56,800 രൂപയാണ്.

കഴിഞ്ഞ നാല് ദിവസം കൊണ്ട് കുറഞ്ഞ 400 രൂപയാണ് ഇന്ന് ഒറ്റയടിക്ക് വർദ്ധിച്ചത്. കഴിഞ്ഞ വെള്ളിയാഴ്‌ച സർവകാല റെക്കോർഡിൽ ആയിരുന്നു സ്വർണവില. ഒരു ഗ്രാം 22 കാരറ്റ് സ്വർണത്തിന്റെ ഇന്നത്തെ വില 50 രൂപ ഉയർന്ന 7,100 രൂപയായി. ഒരു ഗ്രാം 18 കാരറ്റ് സ്വർണത്തിന്റെ വില 5,875 രൂപയാണ്. വെള്ളിയുടെ വിലയിൽ മാറ്റമില്ല. ഒരു ഗ്രാം വെള്ളിയുടെ വില 98 രൂപയാണ്.