സൗദി ആരോഗ്യ മന്ത്രാലയത്തിൽ ജോലി ഒഴിവ് ; ഇപ്പോൾ അപേക്ഷിക്കാം

• നോർക്ക റൂട്ട്സ് റിക്രൂട്ട്മെന്റിലേക്ക് 30 വരെ അപേക്ഷ നൽകാം

സൗദി മന്ത്രാലയത്തിലേക്ക് വിവിധ സ്പെഷ്യാലിറ്റികളിൽ കൺസൾട്ടന്റ് / സ്പെഷ്യലിസ്‌റ്റ് ഡോക്ടർമാരുടെ ഒഴിവുകളിലേക്കുള്ള നോർക്ക റൂട്ട്സ് റിക്രൂട്ട്മെന്റിലേക്ക് 30 വരെ അപേക്ഷ നൽകാം. എമർജൻസി, ICU (ഇന്റൻസീവ് കെയർ യൂണിറ്റ്), NICU (നവജാത ശിശു ഇന്റൻസീവ് കെയർ യൂണിറ്റ്), PICU (പീഡിയാട്രിക് ഇന്റൻസീവ് കെയർ യൂണിറ്റ്), പ്ലാസ്റ്റിക് സർജറി, വാസ്കു‌ലാർ സർജറി എന്നീ തസ്തികകളിലാണ് ഒഴിവുകൾ.

വിശദമായ ബയോഡേറ്റയും വിദ്യാഭ്യാസം, പ്രവൃത്തിപരിചയം, പാസ്പോർട്ട് എന്നിവയുടെ പകർപ്പുകളും സഹിതം www.norkaroots.org www.nifl.norkaroots.org വെബ്സൈറ്റുകൾ സന്ദർശിച്ച് അപേക്ഷ നൽകാവുന്നതാണ്. സ്പെഷ്യാലിറ്റികളിൽ കുറഞ്ഞത് മൂന്നു വർഷത്തെ പ്രവൃത്തിപരിചയവും വേണം. പ്രായപരിധി 55 വയസ്സ്. അപേക്ഷകർ മുമ്പ് SAMR പോർട്ടലിൽ റജിസ്റ്റർ ചെയ്തവരാകരുത്.സൗദി കമ്മീഷൻ ഫോർ ഹെൽത്ത് സ്പെഷ്യലിസ്റ്റ് വെബ്സൈറ്റിലെ Mumaris പ്ലസ് സേവനത്തിലൂടെ പ്രഫഷനൽ ക്ലാസിഫിക്കേഷൻ നേടിയിരിക്കണം. ഇതിനായുള്ള അഭിമുഖങ്ങൾ 2025 ജനുവരി 6 മുതൽ 10 വരെ ഓൺലൈനായി നടക്കും.

കുറഞ്ഞത് ആറുമാസത്തെ കാലാവധിയുള്ള സാധുതയുള്ള പാസ്പോർട്ടും ഉള്ളവരാകണം. കൂടുതൽ വിവരങ്ങൾക്ക് 0471- 2770536, 539, 540, 577 നമ്പറുകളിലോ (ഓഫിസ് സമയത്ത്, പ്രവൃത്തിദിനങ്ങളിൽ) 24 മണിക്കൂറും പ്രവർത്തിക്കുന്ന നോർക്ക ഗ്ലോബൽ കോൺടാക് സെന്റിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802 012 345 (വിദേശത്തുനിന്നും, മിസ്‌ഡ് കോൾ സർവീസ്) ബന്ധപ്പെടാൻ സാധിക്കും.