26 ലക്ഷം കുട്ടികൾക്ക് 4 കിലോ വീതം അരി വിതരണം ചെയ്യുന്ന പദ്ധതി ഉദ്ഘാടനം ചെയ്ത് മന്ത്രി വി. ശിവൻകുട്ടി

• ആകെ വിതരണം ചെയ്യുന്നത് ഏകദേശം 17,313 മെട്രിക് ടൺ അരിയാണ്

തിരുവനന്തപുരം : പ്രീ-പ്രൈമറി മുതൽ എട്ടാം ക്ലാസ് വരെ സർക്കാർ, സർക്കാർ അംഗീകൃത വിദ്യാലയങ്ങളിൽ പഠിക്കുന്ന 26 ലക്ഷം കുട്ടികൾക്ക് 4 കിലോ വീതം അരി വിതരണം ചെയ്യുന്ന പദ്ധതി മന്ത്രി വി ശിവൻകുട്ടി ഉദ്ഘാടനം ചെയ്‌തു.

ആകെ വിതരണം ചെയ്യുന്നത് ഏകദേശം 17,313 മെട്രിക് ടൺ അരിയാണ്. മഹത്തായ ഈ പദ്ധതി വിജയകരമായി നടപ്പിലാക്കുന്ന അധ്യാപകർക്കും പാചക തൊഴിലാളികൾക്കും സ്കൂ‌ൾ ഭരണസമിതികൾക്കും മാതാപിതാക്കൾക്കും എല്ലാ ഉദ്യോഗസ്ഥർക്കും മന്ത്രി നന്ദി അറിയിച്ചു. ഉദ്ഘാടന ചടങ്ങ് നടന്നത് പട്ടം ഗേൾസ് ഗവൺമെന്റ് ഹയർ സെക്കൻ്ററി സ്കൂളിൽ വെച്ചാണ് .