ഇത്തിരി നേരം കൂടി

കവിത

സത്യചന്ദ്രൻ പോയിൽക്കാവ്

ഏറെ നാൾ കാത്തു

കൊതിച്ചവൾ വാങ്ങിയ

പുത്തനുടുപ്പ് മറക്കല്ലേ

തോഴികൾ തൊട്ടാ-

വാടികൾ കാത്തിടും

ഓരോ വഴിയും മറക്കല്ലേ

സ്കൂൾ മുക്കിലൊരിക്കൽ കൂടി

ഇത്തിരിനേരം നിൽക്കേണം

ഒന്നുകടിച്ച നെല്ലിക്കയും

തട്ടികൊണ്ടു പോകുന്ന

കൊതിച്ചികളെ-

കണ്ടു ചിരിച്ചു ചുമച്ചിടാൻ

മറ്റൊരു കാലമിനിയുണ്ടോ

കൂട്ടുകാരെ

പാലക്കാട്ടെ കൊച്ചു കൂട്ടുകാർക്ക് ഹൃദയ നൊമ്പരങ്ങളോടെ