കെ.കെ ശൈലജയുടെ വിജയം ഉറപ്പായതിനാലാണ് അശ്ലീലപ്രചാരണം നടത്തുന്നത്- സീതാറാം യെച്ചൂരി
- ആശയപരമായി എതിർത്തോളൂ, വ്യക്തിയധിക്ഷേപം നടത്തരുത് ;യെച്ചൂരി
കോഴിക്കോട്: വ്യക്തിഹത്യയും
സൈബർ ആക്രമണവും അപലപനീയമാണെന്നും തിരഞ്ഞെടുപ്പ് പ്രചാരണത്തിൽ ഇത് അംഗീകരിക്കാനാവില്ലെന്നും സിപിഎം ജനറൽ സെക്രട്ടറി സീതാറാം യെച്ചൂരി.
വടകരയിൽ കെ.കെ. ശൈലജയുടെ വിജയം ഉറപ്പായതിനാലാണ് യുഡിഎഫ് അശ്ലീല പ്രചാരണം നടത്തുന്നതെന്നും യെച്ചൂരി ആരോപിച്ചു. കോഴിക്കോട്ട് വെച്ചു നടന്ന വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.
ആശയപരമായി എതിർത്തോളൂ, വ്യക്തിയധിക്ഷേപം നടത്തിയല്ല തിരഞ്ഞെടുപ്പിനെ നേരിടേണ്ടത് എന്നും അദ്ദേഹം പറഞ്ഞു.
അതേ സമയം പാർലമെന്റിൽ ഇലക്‌ടറൽ ബോണ്ട് വിഷയത്തിലും സിഎഎക്കെതിരേയും ആദ്യം ശബ്ദം ഉയർത്തിയ പാർട്ടി സിപിഎം ആണെന്നും , വർഗീയ ധ്രുവീകരണം നടത്താനാണ് പ്രധാനമന്ത്രിയുടെ നേതൃത്വത്തിൽ ശ്രമിക്കുന്നതെന്നും അദ്ദേഹം വിമർശിച്ചു.
